बरगाछी-रानी ६ लेन सडकमा बृक्षरोपणका लागि नेपाल एसबिआई बैंकको आर्थिक सहयोग
काठमाडौं । नेपाल एसबिआई बैंकले बरगाछी–रानी डिभाइडर सौन्दर्यकरण समिति विराटनगरलाई ‘बरगाछी–रानी’ ६ लेन सडकमा बृक्षरोपण कार्याक्रमका लागि आर्थिक सहयोग गरेको छ ।
सामाजिक उत्तरदायित्व कार्यक्रम अन्तर्गत स्वच्छ तथा हरियाली वातावरण प्रवद्र्धन गर्ने उद्देश्यले बैंकले सो आर्थिक सहयोग गरेको हो ।
उक्त सहयोग रकम बैंकका कोशी प्रदेश प्रमुख रबिन घिमिरेले बिराटनगर महानगरपालिकाका मेयर नागेश कोइरालालाई औपचारिक रुपमा हस्तान्तरण गरेका थिए ।
सो कार्यक्रममा बैंक तथा महानगरपालिकाका अन्य पदाधिकारीहरु समेतको उपस्थिति रहेको थियो । बैंकले दिगो विकास तथा वातावरण संरक्षण गर्ने उदेश्यले यस्ता गतिविधिहरू समय समयमा सञ्चालन गर्दै आएको छ ।
हाल बैंकले १०० शाखा, २२ एक्सटेन्सन काउण्टर, ७ प्रदेश कार्यालय, १९ शाखारहित बैंकिङ सेवा, १२१ एटीएम र १ कर्पोरेट कार्यालय मार्फत सेवा प्रदान गर्दै आएको छ ।
