१८ चैत्र २०७६, मंगलवार

फुडमान्डुबाट खाद्यान किन्दा एनआईसी एशियाका ग्राहकलाई १० प्रतिशत छुट



काठमाडौं । एनआईसी एशिया बैंकका ग्राहकलाई फुडमान्डु अनलाइनबाट उपलब्ध हुने दैनिक खाद्यान खरिद गर्दा खरिद रकमको १० प्रतिशत वा अधिकतम रू ५०० सम्म छुट हुने गरी बैंक र फुडमान्डुबीच समझदारी भएको छ ।

यो योजनामा सहभागी हुन चाहने एनआईसी एशिया बैंक लिमिटेडका ग्राहकहरूले २०७६ चैत्र १८ गते देखि चैत्र २६ गतेसम्म फुडमान्डुमार्फत सामानहरू अनलाइन खरिद गर्नुपर्ने हुन्छ ।

विश्वव्यापी रुपमा फैलिएको कोरोना भाइरसको जोखिम न्यूनीकरणका लागि सरकारले भिडभाड कम गर्न आह्वान गरिरहेको अवस्थामा विद्युतीय बैंकिङ माध्यमहरू प्रयोग गरी ग्राहकहरूलाई घरबाटै खाद्यान लगायतका अति आवश्यक सामान खरिद गर्न प्रोत्साहन स्वरुप बैंकले यस्तो योजना ल्याएको हो ।


प्रतिक्रिया दिनुहोस्