प्रभु बैंकको सिईओमा सुमन शर्मा नियुक्त
काठमाडौँ । प्रभु बैंकको सिईओमा बैंकर सुमन शर्मा नियुक्त भएका छन् ।
प्रभु बैंकको सिईओ रहेका अशोक शेरचनले आइतबार सञ्चालक समिति समक्ष राजीनामा दिएपछि बैंकले सोमबारै नयाँ सिईओ नियुक्त गरेको हो ।
यसअघि सनराइज बैंकको सिईओ रहेका शर्मालाई प्रभु बैंक सञ्चालक समितिले बैंकको जिम्मेवारी सुम्पेको हो ।
शर्मा तत्कालीन सनराइज बैंक लक्ष्मी बैंकमा मर्जर भएपछि बाहिरिएका थिए । उनी त्यसअघि ग्लोबल आइएमई बैंकमा डिसिईओ माछापुच्छ्रे बैंकमा सिईओको जिम्मेवारी निर्वाह गरिसकेका बैंकर हुन् ।
शर्माले सोमबारदेखीनै कार्यभार सम्हालेको बैंकका एक सिनियर कर्मचारीले बताए । ति कर्मचारीका अनुसार ‘निवर्तमान सिईओ अशोक शेरचनले अफिसमै आएर आइतबार राजिनामा गर्नुभयो ।’ त्यसपछि संचालक समितिको सोमबार विहान बसेको बैठकले शर्मालाई सिईओमा नियुक्त गरेको हो ।
