अर्थ मन्त्रालयमा पुगेर खतिवडाले कर्मचारीलाई भने ‘‘अधुरा काम पुरा गर्नु’, आजै राजिनामा दिने
काठमाडौं । अर्थमन्त्री डा. युवराज खतिवडाले आज अर्थमन्त्रालयमा पुगेर सबै कर्मचारीलाई धन्यावाद दिएका छन । खतिवडाले शुक्रबार अर्थ मन्त्रालयमा पुगेर सचिव शिशिर ढुङ्गाना, सहसचिवहरुलगायत विभिागीय कर्मचारीहरुलाई आफुलाई सहयोग गरेकोमा धन्यावाद दिएका छन ।
अर्थमन्त्रीका स्वकिय तुलशि मैनालीका अनुसार शुक्रबार ३ बजे मन्त्रालयमा सानो अनौपचाकि भेला गरी मन्त्री खतिवडाले आफ्नो कार्यकालमा सहयोग पुर्याएको भन्दै सबै कर्मचारीलाई धन्यवाद दिँदै आफुले अघि सारेका योजना पुरा गर्न निर्देशन दिए ।
विहिबारको पार्टी स्थायी कमिटिले पार्टी उपाध्यक्ष वामदेव गौतमलाई राष्ट्रियसभा दस्यमा सिफारिस गर्ने निर्णय गरेसंगै खतिवडा पदमुक्त हुने भएका छन । खतिवडाले अर्थ मन्त्रालय र संचार मन्त्रालयमा कर्मचारीलाई धन्यवाद दिएर प्रधानमन्त्रीलाई भेटी आजै राजिनामा दिने कार्यक्रम रहेको मन्त्रीका स्वकिए मैनालीले बताए ।
खतिवडा अर्थमन्त्रीबाट हटेसंगै प्रधानमन्त्रीको प्रमुख सल्लाहाकार बन्ने चर्चा छ । आज बसेको मन्त्रीपरिषद बैठकले उपाध्यक्ष गौतमलाई राष्ट्रिय सभामा सिफारिस गर्ने निर्णय गरेको छ ।
