अपडेटः भूकम्पको धक्काले घर भत्कियो
काठमाडौं । आज विहान ५ बजेर १९ मिनेटमा सिन्धुपाल्चोकको राम्चे केन्द्रबिन्दु बनाई गएको ६ रेक्टर स्केलको भूकम्पको धक्काले पर्वतमा घर भत्किएको छ ।
भूकम्पले कुश्मा नगरपालिका–१ पाङको तल्लो पाङमा रहेको नारायण सुवेदीको दुई तले घर भत्किएको हो। लगातार पानी परेर गलेको जमिनमा भूकम्पको धक्काले घरको माथिल्लो तलाको भित्ता भत्किएको र छेवैमा बाँधिएको गाईलाई पुरेको भए पनि उद्धार गरिएको सुवेदीले बताए।
गत आइतबार राति परेको अविरल वर्षापछि उक्त घरको पछाडि पहिरो खसेर पानी थुनिएको थियो।त्यही पहिरो र पानीका कारण कमजोर बनेको अवस्थामा भूकम्पको धक्का पर्दा घर भत्किएको हुनसक्ने जिल्ला प्रहरी कार्यालय पर्वतका प्रमुख डिएसपी बिश्वराज अधिकारीले बताए ।
घर भत्किय पनी कुनै मानवीय क्षति भने नभएको उनले जानकारी दिए ।घरमा कति क्षतिको भएको बिबरण संकलन गर्न प्रहरी घटनास्थल तर्फ गएको अधिकारीले बताए ।
