कोरोनाविरुद्ध महानगरपालिकाको १० करोडको कोष स्थापना (पूर्ण पाठसहित)

अर्थ पथ
प्रकाशित मिति : ६ चैत्र २०७६, बिहीबार

काठमाडौं । काठमाडौं महानगरपालिकाले कोरोना भाईरस नियन्त्रण तथा रोकथामका लागि १० करोडको कोष स्थापना गरेको छ । उक्त भाईरसको रोकथाम तथा नियन्त्रणका लागि साना, मझौला र ठूला वडाहरुलाई क्रमश रु २ लाख, रु ३ लाख र रु ४ लाखका दरले निकाशा गर्ने जनाकारी दिएको छ ।

महानगरपालिकाको कार्यपालिकाको आकस्मिक बसेको बैठकले यस्तो निर्णय गरेको हो । त्यस्तै महानगरपालिकाभित्र हुने मेला पर्व पनि नगर्न नगरवासीलाई आग्रह गरेको छ । निर्णय सार्वजनिक गर्दै महानगरपालिकाका मेयर विद्यासुन्दर शाक्यले सुपथ मूल्य पसल सञ्चालनका लागि छलफल गरिरहेको बताए । उनले भने“हामीले सुपथ मूल्य पसल सञ्चालन गर्दा बजारमा भएको सामानलाई नै संकलन गरि बिक्री गर्ने हो, त्यसैले यसरी संकलन गर्दा बजारमा थप अभाव श्रृजना हुन सक्छ ।”