हालसम्मकै उच्च मूल्यमा सुन, प्रतितोला कति ?
काठमाडौं । नेपाली बजारमा सुनले नयाँ रेकर्ड कायम गरेको छ । सुन आज अर्थात २०७९ माघ १० गते हालसम्मकै उच्च मूल्यमा पुगेको हो ।
नेपाल सुनचाँदी ब्यवसाय महासंघका अनुसार आज सुनको मूल्य तोलामा १ हजार रुपैयाँले बढेर छापावाला सुनको मूल्य १ लाख ६ हजार ३ सय रुपैयाँ र तेजावी सुनको मूल्य १ लाख ५ हजार ८ सय रुपैयाँमा कारोबार भइरहेको छ ।
यसअघि सुनको मूल्य २०७८ फागुन २५ गते १ लाख ५ हजार ५०० रुपैयाँ कायम भएको थियो ।
यता चाँदीको मूल्य भने तोलामा १५ रुपैयाँले घटेर १३ सय ६५ रुपैयाँ कायम भएको छ ।