आज कति छ सुनचाँदीको भाउ ?
काठमाडौं । साताको पहिलो कारोबार दिन सुनको भाउ घटेको छ । आज छापावाला सुनको तोलामा ५०० रुपैयाँ घटेको हो ।
अघिल्लो दिन अर्थात् गत शुक्रबार छापावाला सुनको भाउ तोलामा १ लाख ६६ हजार ५०० रुपैयाँ कायम भएका थियो । तर, आज घटेर १ लाख ६६ हजार रुपैयाँ तोकिएको नेपाल सुनचाँदी व्यवसायी महासंघले जनाएको छ ।
महासंघका अनुसार आजका लागि चाँदीको भाउ पनि सस्तिएको छ । आज चाँदी तोलामा २० रुपैयाँ घटेर १ हजार ९६० रुपैयाँ कायम भएको छ । गत शुक्रबार पनि १ हजार ९८० रुपैयाँ खरिदबिक्री भएको थियो ।
