प्रतितोला ५ हजार ७०० रुपैयाँ बढ्यो सुनको भाउ, चाँदीको कति ?
काठमाडौं । साताको पाँचौं कारोबार दिन पनि सुनको भाउ वृद्धि भएको छ । बिहीबार छापावाला सुनको भाउ तोलामा १ हजार ६०० रुपैयाँ वृद्धि भएको हो ।
नेपाल सुनचाँदी व्यवसायी महासंघका अनुसार आजका लागि सुनको भाउ १ लाख ६८ हजार ५०० रुपैयाँ कायम भएको छ । बुधावर पनि १ लाख ६६ हजार ९०० रुपैयाँमा खरिदबिक्री भएको थियो । गत आइतबारदेखि नै सुनको भाउ वृद्धि भएको छ ।
गत आइतबार १ लाख ६२ हजार ८०० रुपैयाँमा किनबेच भएको थियो । सोमबार भने सोही मूल्य कायम भएको थियो ।
मंगलबार १ हजार ९०० रुपैयाँ वृद्धि भएको थियो । बुधवार पनि २ हजार २०० रुपैयाँ महँगिएको थियो । पछिल्लो चार दिनमै सुनको भाउ ५ हजार ७०० रुपैयाँ महँगिएको छ ।
बिहीबार चाँदीको भाउ पनि तोलामा ५ रुपैयाँ वृद्धि भई १ हजार ९८० रुपैयाँ कायम भएको छ । चाँदी बुधवार भने १ हजार ९७५ रुपैयाँमा खरिदबिक्री भएको थियो ।
