मंगलबार सुन तोलामा ७ सयले बढ्यो
काठमाण्डौ । मंगलबार सुनको भाउले नयाँ रेकर्ड बनाएको छ ।
केही सातादेखि लगातार उकालो लागेको सुनको भाउ आज तोलाको ९८ हजार २ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।
सोमबार तोलाको ९७ हजार ५ सय रुपैयाँमा कारोबार भएको सुनको भाउ आज तोलामा ७ सय रुपैयाँले बढेको छ ।
यस्तै आज चाँदी पनि तोलामा ३५ रुपैयाँ बढेर तोलाको १२ सय ४५ रुपैयाँ पुगेको नेपाल सुनचाँदी व्यवसायी महासङ्घले जनाएको छ ।
