जिससद्धारा थाहा नगरपालिकाको अनुगमन

मकवानपुर । जिल्ला समन्वय समिति (जिसस) मकवानपुरको टोलीले बिहीबार जिल्लाको उत्तरी थाहा नगरपालिकाको अनुगमन गरेको छ । जिसस मकवानपुरका प्रमुख रघुनाथ खुलालको नेतृत्वममा टोलीले चालु आर्थिक वर्षको पहिलो चौमासिकको प्रगतिका बारेमा अनुगमन गर्नुका साथै समिक्षिा गरेको हो ।

टोलीले चालु आर्थिक वर्षमा स्थानीय तहहरुमा गर्नुपर्ने कामहरु सम्पन्न भए/नभएको साथै अघिललो आर्थिक वर्षमा आइपरेका समस्याका बारेमा जानकारी लिएको छ । मुलत पहिलो चोमासिकमा लागत स्टिमेट तयार, उपभोत्ता समिति गठन, सम्झौता प्रकृया आदि भए÷नभएको बारेमा अनुगमन गर्नुका साथै समिक्षा गरिएको जिसस प्रमुख खुलालले जानकारी दिनुभयो । प्रमुख खुलालले थाहा नगरपालिकाले मकवानपुर जिल्लामै स्थानीय तहहरु मध्ये उत्कृष्ट कार्य गर्ने नगरपालिका भए पनि अझ व्यवस्थित रुपमा काम गर्न सुझाव दिनुभयो । उहाँले नगरपालिकाको विकासका लागि आर्थिक र सामाजिक विकासमा पनि ध्याान दिन, विभिन्न क्षेत्रको पहिचान गरेर आर्थिक रुपमा सम्पन्न हुने खालका कार्यक्रम सञ्चालन गर्न समेत सुझाव दिनुभयो ।

अनुगमन टोलीलाई थाहा नगरपालिकाका मेयर लबशेर बिष्ट र प्रमुख प्रशासकिय अधिकृत हरिलाल पुरीले हालसम्मको अवस्थाका बारेमा जानकारी गराउनुभएको थियो । थाहा नगरपालिकामा चालु आर्थिक वर्षमा उपभोत्ता समिति गठन, योजना सम्झौता सम्पनन भएर १५ वटा योजना सम्पन्न भईसकेको जानकारी दिईएको छ । कार्यक्रममा थाहा नगरपालिकाका मेयर लबशेर बिष्टले चालु आर्थिक वर्षको फागुन मसान्त सम्ममा सबै योजनाहरु सम्पन्न गर्ने गरि कार्य अगाडी बढाईएको जानकारी दिनुभयो । उहाँले असारे विकासको परिपाटिलाई अन्त्य गर्नेगरि काम अगाडी बढाईएको बताउनुभयो । यस्तै प्रमुख प्रसासकिय अधिकृत पुरीले नगरपालिकामा आवश्यक्ता अनुसार कर्मचारी अभाव भए पनि चालु आर्थिक वर्षमा हालसम्म करीब २० प्रतिशत वित्तिय प्रगति भएको र नगरपालिकाको योजना अनुसार समयमै कार्य सम्पन्न गर्ने गरि काम अगाडी बढाईएको बताउनुभयो ।

कार्यक्रममा जिसस उपप्रमुख भगवती पुडासैनी, सदस्यहरु देवराज रिमाल, चित्रबहादुर बलामी, समन्वय अधिकारी आनन्दराज पोखरेल, नायब सुब्बा उपेन्द्रनाथ पोखरेललगायत थाहा नगरपालिकाका विभिन्न वडाका वडाअध्यक्षहरु, कर्मचारीहरुको उपस्थिती थियो ।