थप १ हजार ९२० जनामा कोरोना संक्रमण पुष्टि
काठमाडौं । पछिल्लो २४ घण्टामा १ हजार ९२० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ४४३ पीसीआर परीक्षणमा १ हजार ७०२ र ३ हजार ७३ एन्टिजेन परीक्षणमा २१८ गरी १ हजार ९२० जनामा कोरोना भाइरस संक्रमण पुष्टि भएको हो । यो सहित नेपालमा कोरोना संक्रमितको कूल संख्या ७ लाख ४७ हजार ४३३ जना पुगेका छन् ।
पछिल्लो २४ घण्टामा कोरोना संक्रमणमुक्त हुनेको संख्या २ हजार २४८ रहेको छ । यो सहित नेपालमा कोरोना संक्रमणमुक्त हुनेको संख्या ६ लाख ९८ हजार १७३ जना रहेका छन् ।
पछिल्लो २४ घण्टामा कोरोना संक्रमणबाट २४ जनाको मृत्यु भएको छ । योसहित नेपालमा कोरोना संक्रमणबाट ज्यान जानेको संख्या १० हजार ५०९ जना पुगेका छन् । हाल देशभर ३८ हजार ७५१ जना सक्रिय कोरोना संक्रमित रहेका छन् ।
