गुडविल, नेपाल र वेष्ट बाहेक अधिकांश फाइनान्सको नाफा घट्यो, कसकाे कति ? « Arthapath.com
१२ माघ २०७८, बुधबार

गुडविल, नेपाल र वेष्ट बाहेक अधिकांश फाइनान्सको नाफा घट्यो, कसकाे कति ?



काठमाडौं । चालु आर्थिक बर्षको दोस्रो त्रैमासमा विभिन्न १० फाइनान्स कम्पनीले वित्तीय विवरण सार्वजनिक गरेका छन् । सञ्चालनमा रहेका १७ मध्ये १० वटा फाइनान्स कम्पनीहरुले पौष मसान्तसम्ममा नाफा घटेको छ ।

वित्तीय विवरण सार्वजनिक गरेका फाइनान्स कम्पनीहरुमध्येमा अधिकांशको नाफा घटेको छ । चालु आवको तेस्रो त्रैमासमा ५५ करोड रुपैयाँ नाफा आर्जन गरेका छन् । गत आर्थिक बर्षको पौष मसान्तमा ६६ करोड ९३ लाख ४ हजार रुपैयाँ खुद नाफा आर्जन गरेका फाइनान्स कम्पनीले चालु आवको ६ महिनामा घटेर ५५ करोड ६ लाख २ हजार रुपैयाँ मात्रै नाफा आर्जन गरेका हुन् ।

गत आवको यस अवधिमा घाटामा रहेका कम्पनीले भने यस बर्ष नाफा गरेका छन् । गत आर्थिक बर्षको पौषमा बेष्ट फाइनान्स र नेपाल फाइनान्स कम्पनीको नाफा घाटामा थियो । तर यस बर्ष भने नाफामा रहेका छन् ।

गुडविल फाइनान्सको ४२.७१ प्रतिशत नाफा बृद्धि गरेर ७ करोड ९१ लाख ९१ हजार रुपैयाँ आर्जन गरेको छ । आइसीएफसी फाइनान्स, मञ्जुश्री फाइनान्स, समृद्धि फाइनान्स, पोखरा फाइनान्स गुहेश्वरी मर्चेन्ट, श्रीइन्भेष्टमेन्ट, र गुर्खाज फाइनान्सको नाफा घटेको छ ।

पौष मसान्तसम्मको तथ्याङ हेर्ने हो भने सबैभन्दा धेरै नाफा बेष्ट फाइनान्सको १४ करोड २ लाख ९ हजार रुपैयाँ रहेको छ । त्यस्तै, आइसीएफसी फाइनान्सको ९ करोड २६ लाख ५४ हजार रुपैयाँ, गुडविल फाइनान्सको ७ करोड ९१ लाख ९१ हजार रुपैयाँ, मञ्जुश्रीको ७ करोड ५३ लाख ८९ हजार रुपैयाँ, श्रीइन्भेष्टमेन्ट फाइनान्सको ४ करोड ६२ लाख ३ हजार रुपैयाँ, नेपाल फाइनान्सको ३ करोड ३२ लाख ९३ हजार रुपैयाँ, पोखरा फाइनान्सको २ करोड ९६ लाख १६ हजार रुपैयाँ, गुहेश्वरीको २ करोड ८६ लाख ७० हजार रुपैयाँ, गुर्खाज फाइनान्सको १ करोड ९३ लाख ५५ हजार रुपैयाँ र समृद्धि फाइनान्सको ६० लाख २२ हजार रुपैयाँ नाफा रहेको छ ।

Company NameNet Profit-Amt in000_Different
2078-79 (Paus)2077-78  (Paus)
Best Finance140,209-100,338 
Nepal Finance33,293-3,904 
Pokhara Finance29,61696,886-69.43
Gurkhas Finance19,355170,355-88.64
Samriddhi Finance6,02216,705-63.95
Manjushree Finance75,389113,401-33.52
ICFC Finance92,654122,570-24.41
Goodwill Finance79,19155,49142.71
Guheswori Merchant28,67034,738-17.47
Shree Investment Finance46,20359,158-21.90


प्रतिक्रिया दिनुहोस्