उत्पादन अनुसारको लागत नपाएको भन्दै चितवनमा तरकारी सडकमा फालेर बिरोध
काठमाडौं । चितवनका तरकारी उत्पादक किसानहरुले नारायणगढको पुल्चोकमा तरकारी फालेर विरोध जनाएका छन् । स्वदेशी तरकारीले उत्पादन अनुसारको लागत नपाएको भन्दै उनीहरुले तरकारी नै सडकमा फालेर बिरोध जनाएका हुन ।
उनीहरुले भारतीय तरकारीको जथाभावी आयातले स्वदेशी तरकारी उत्पादक किसान मारमा परेको भन्दै नारायणगढ पुल्चोकमा गोलभेडा, काउली, बन्दा, पर्वर लगायतका तरकारी फालेर आन्दोलन गरे ।
स्वदेशी उत्पादनलाई प्रवद्र्धन गर्नसरकारले कुनै कदम नचालेको उनीहरुको गुनासो रहेको छ ।
