इन्धनको मूल्य बढेसँगै बैशाख ७ गतेदेखि हवाई भाडा बढ्ने, कुन ठाउँको कति ?

काठमाडौं । नेपाल आयल निगमले बैशाख ४ गते देखि राति १२ बजे देखि लागू हुने गरी हवाई इन्धनमा प्रति लिटर २ रुपैयाँ बढाउने निर्णयसँगै हवाइ भाडा पनि बृद्धि गरिएको छ ।

वायु सेवा सञ्चालक संघ नेपालले भोलि ७ गतेदेखि नयाँ हवाई भाडा लागु हुने जानकारी दिएको छ ।

निगमले जति रुपैयाँ बढायो त्यहि अनुपातमा हवाई भाडा पनि बढ्ने भएकाले वायु सेवा सञ्चालक संघले पनि नयाँ भाडादर सार्वजनिक गरेको हो । संघका अनुसार हवाई इन्धनको मुल्य जे जति घटवढ हुन्छ सोही अनुपातमा स्वचालित प्रणाली अनुसार मुल्य लागू गर्ने नेपाल सरकारको २०७५ साल जेष्ठ २७ गतेको निर्णय अनुसार यस संघमा आवद्ध वायुसेवा कम्पनीहरुले बैशाख ७ गतेदेखि नयाँ भाडा लागू गर्ने निर्णय गरेको हो । सो विषयमा नेपाल नागरिक उड्डयन प्राधिकरणवाट स्वीकृत समेत भैसकेको जनाएको छ ।