पहिरोका कारण मुग्लिन-नारायणगढ सडकखण्ड एकतर्फी अवरुद्ध
काठमाडौं । पहिरोका कारण मुग्लिन-नारायणगढ सडकखण्ड एकतर्फी अवरुद्ध भएको छ।
सोमबार बिहान करिब ९ बजे तुइन खोला नजिकै पहिरो खसेपछि सडकको एकतर्फी सवारी आवागमन प्रभावित भएको प्रहरीले जनाएको छ।
हाल पहिरो हटाउने कार्य जारी रहेको र सडक दुबैतर्फ सुचारु गर्न प्रयास भइरहेको छ।
बरसातको समयमा ढुंगा तथा माटो खस्ने जोखिम उच्च हुने भएकाले, सो क्षेत्रमा यात्रा गर्दा सावधानी अपनाउन र सडक अबस्था बुझेर मात्र यात्रा गर्न ट्राफिक प्रहरीले अनुरोध गरेको छ।
