दसैं बिदामा पनि पर्यटक भिसा शाखा खुला रहने
काठमाडौं । अध्यागमन विभागले दसैंको बिदामा पनि पर्यटक भिसा शाखा खुला रहने जनाएको छ ।
असोज १६ गते विजया दशमीको दिन बाहेक अन्य सबै दिन बिहान ११ देखि दिउँसो १ बजेसम्म सेवा प्रदान गर्ने भएको हो ।
नेपाल पर्यटन बोर्डले पनि दसैं अवधिभर विशेष टोली खटाएर विदेशी पर्यटकलाई सहयोग जारी राख्ने जनाएको छ । यसले चाडपर्वका बेला नेपाल भ्रमणमा आउने पर्यटकलाई सहजता मिलाउने विभागले जनाएको छ ।
