जीवीमा ‘चेकआउट बाई फोनपे’ सेवा सुरु: अधिकतम ५०० रूपैयाँसम्म क्यासब्याक पाइने

काठमाडौं। फोनपेले जीवीसँग साझेदारी गर्दै चेकआउट बाई फोनपे सेवा जीवीमा एकीकृत गरेको छ । यससँगै जीवीका ग्राहकहरूले अनलाइन खरिद गर्दा अझ छिटो, सरल र सहज रूपमा भुक्तानी गर्न सक्ने भएका छन्।

यस एकीकरणमार्फत जीवीमा सामान खरिद गर्ने ग्राहकहरूले भुक्तानीको क्रममा चेकआउट बाई फोनपे छनोट गरी सहभागी मोबाइल बैंकिङ एममार्फत आफ्नो भुक्तानी महज रूपमा पूरा गर्न सक्नेछन् । यसले सामान छनोटदेखि भुक्तानीसम्मको सम्पूर्ण प्रक्रियालाई थप सहज र सुविधाजनक बनाउनेछ।

यस सेवाको सुरुवातको अवसरमा फोनपे र जीवीले ग्राहकहरूका लागि विशेष २० प्रतिशत क्यासब्याक, अधिकतम रु. ५०० सम्म को अफर पनि ल्याएका छन्। यो अफर अगस्ट १८ देखि अगस्ट ३१, २०२६ सम्म लागू हुनेछ। प्रत्येक ग्राहकले अभियान अवधिभर अधिकतम रु. ५०० सम्मको क्यासब्याक प्राप्त गर्न सक्नेछन्।

“जीवीसँग चेकआउट बाई फोनपेको एकीकरणमार्फत हामी अनलाइन किनमेल गर्ने ग्राहकहरूका लागि अझ सरल र सहज भुक्तानी अनुभव ल्याउन पाउँदा उत्साहित छौं। यो साझेदारी नेपालको बढ्दो विद्युतीय व्यापारको क्षेत्रमा डिजिटल भुक्तानीलाई थप सहज र सुविधाजनक बनाउने हाम्रो निरन्तर प्रयासको अर्को महत्वपूर्ण कदम हो,” फोनपेका प्रमुख कार्यकारी अधिकृत दिवस कुमारले भने।

जीवीसँगकाे यो एकीकरण नेपालको डिजिटल भुक्तानी प्रणालीलाई थप सुदृढ बनाउने फोनपेको निरन्तर प्रयासको हिस्सा हो। नवीन भुक्तानी समाधानमार्फत थप व्यापारी तथा वित्तीय संस्थाहरूलाई जोड्दै फोनपैले अनलाइन कारोबारलाई छिटो, सरल र सहज बनाउने लक्ष्य लिएको छ।
थप व्यापारी, वित्तीय संस्था तथा विद्युतीय व्यापारिक मञ्चहरूमा चेकआउट बार्ड फोनपे विस्तार गर्दै फोनपेले देशभरका ग्राहकहरूलाई अझ सहज, सुरक्षित र निर्बाध डिजिटल भुक्तानी अनुभव प्रदान गर्ने आफ्नो प्रतिबद्धतालाई निरन्तरता दिइरहेको छ।