प्रभु महालक्ष्मी लाइफ इन्स्योरेन्सको साढे ४ लाखभन्दा बढी संस्थापक शेयर सर्वसाधारणका लागि बिक्री खुला

काठमाडाैं । प्रभु महालक्ष्मी लाइफ इन्स्योरेन्सले आफ्नो स्वामित्वमा रहेको करिब साढे चार लाखभन्दा बढी संस्थापक शेयर अब आम सर्वसाधारणले पनि खरिद गर्न पाउनेगरी खुला गरेको छ।

यसअघि कायम रहेका संस्थापक शेयरधनीहरूले तोकिएको समयावधिभित्र आवेदन नदिएपछि, कम्पनीले आफ्नो संस्थापक समूहतर्फको ४ लाख ६९ हजार ३ सय २ कित्ता शेयर सर्वसाधारण लगानीकर्ताहरूका लागि बिक्रीमा ल्याएको हो।

कम्पनीले यसअघि गत वैशाख १५ गते ३५ दिने सार्वजनिक सूचना जारी गरी विद्यमान संस्थापकहरूलाई पहिलो प्राथमिकतामा राखेर शेयर खरिਦका लागि आह्वान गरेको थियो। तर, निर्धारित अवधिसम्म संस्थापक शेयरधनीहरूको तर्फबाट कुनै पनि खरिद आवेदन प्राप्त नभएपछि नियम अनुसार नै यो शेयर सर्वसाधारणको नाममा बिक्री गर्न लागिएको हो।

अब यो शेयर लिन चाहने इच्छुक सर्वसाधारणले आजको मितिले एक साता (७ दिन) भित्र आवश्यक सबै कानुनी कागजातहरूसहित काठमाडौँको कमलादीस्थित प्रभु महालक्ष्मी लाइफ इन्स्योरेन्सको मुख्य कार्यालयमा पुगेर आवेदन पेश गर्न सक्नेछन्।