राष्ट्र बैंककाे स्पष्टाेक्ति: निर्माणसंग सम्वन्धित सबै कर्जाको पुन: संरचना गर्न पाउने
काठमाडौं । निर्माणसंग सम्वन्धित सबै कर्जा पुन:संरचना गर्न पाउने भएको छन् । नेपाल राष्ट्र बैंकले निर्माण संग सम्वन्धित सबै कर्जाको पुन:संचरना गर्न पाउने जनाएको छ ।
केन्द्रीय बैंकले मौद्रिक नीतिको तेस्रो समिक्षामा गरिएको व्यवस्थालाई थप प्रष्ट पार्दै यस्तो जानकारी गराएको हो । राष्ट्र बैंकले मौद्रिक नीति २०७९/८० को तेस्रो त्रैमासिक समीक्षाको कार्यान्वयनको लागि निर्देशन जारी गरेको थियो ।
सो निर्देशनमा निर्माण क्षेत्र सँग सम्बन्धित कर्जालाई ऋणीको अनुरोधमा उद्योग व्यवसायको नगद प्रवाह तथा आम्दानी विश्लेषण गरी आवश्यकता र औचित्यका आधारमा बुझाउनुपर्ने ब्याजको कम्तीमा १० प्रतिशत रकम असुलउपर गरी विभिन्न सर्तको अधिनमा रही कर्जाको पुन: तालिकीकरण तथा पुन: संरचना गर्न सकिने व्यवस्था गरेको थियो।
उक्त व्यवस्था प्रयोजनका लागि निम्ति ‘निर्माण क्षेत्र’अन्तर्गत आवासीय (घरायसी प्रयोजन), गैरआवासीय (व्यापारिक प्रयोजन) र बृहत् निर्माण (राजमार्ग, पुल आदि) क्षेत्रमा प्रवाहित कर्जाका साथै यस क्षेत्रसँग प्रत्यक्ष रूपमा सम्बन्धित सिमेन्ट, डन्डी, इँटा, ब्लक, पाइप्स एन्ड फिटिङ्सलगायतका उद्योगमा प्रवाहित कर्जा पनि पर्ने राष्ट्र बैंकले जनाएको छ।
