तलेजु भवानी मन्दिर सबैका लागि खुला, बिहानैदेखि दर्शनार्थीको घुइँचो

काठमाडौँ । हनुमानढोका दरबार क्षेत्रमा रहेको तलेजु भवानीको मन्दिर वर्षमा एकपटक अर्थात् आज महानवमीका दिन मात्र खुला गरिएको छ ।

नवरात्रको अन्तिम दिन अर्थात् महानवमीको दिनमात्र खुल्ने तलेजु भवानीको मन्दिर दर्शन तथा पूजाअर्चनाका लागि भक्तजनहरु बिहानैदेखि दर्शनार्थीको घुइँचो देख्न सकिन्छ ।

हनुमानढोका दरबार क्षेत्रमा रहेको वर्षमा एकपटक आज अर्थात् महानवमीका दिन मात्र खुल्ने तलेजु भवानीको मन्दिरमा आज लाखौँ भक्तजन पूजाआराधना एवं दर्शनका लागि पुग्ने गर्छन् ।

तलेजु भवानीलाई भने फूलपातीकै दिन सोमबार हनुमानढोका दरबारको मूलचोकमा ल्याइएको छ । तलेजु भवानीलाई विजयादशमीका दिन बिहानमात्र मूल मन्दिरमा फर्काइने जनाइएको छ ।

मूलचोकमै महाअष्टमीको राति कालरात्रि पूजा गरी ५४ बोका र ५४ राँगाको बलिसमेत दिइन्छ । राज्य सञ्चालनका लागि शक्ति प्राप्त होस् भन्ने सङ्कल्पले महाअष्टमीको राति तान्त्रिक विधिले कालरात्रि पूजा गर्ने गरिएको जनाइएको छ ।

याे मन्दिर भक्तपुरकाे तलेजु भवानीकै सम-रूप हाे । मल्लकालमा कान्तिपुर, भादगाउँ र पाटनमा अलग राज्यहरू हुँदा कान्तिपुर अर्थात् काठमाडाैँका राजाले भक्तपुरबाट देवीकाे प्रतिष्ठा उठाएर ल्याइ हनुमानढाेका दरबारकाे सिंहासनभन्दा उँचाे हुने गरी विशाल मन्दिर बनाएर कुलदेवीका रूपमा प्रतिष्ठित गरेका थिए ।

भक्तपुरमा पनि तलेजु भनावीकाे मन्दिरमा यस दिन भव्य पूजा हुन्छ ।