७ निर्माण कम्पनी कालोसूचीमा
काठमाडौं । ७ निर्माण कम्पनी कालोसूचीमा परेका छन् । सार्वजनिक खरिद अनुगमन कार्यालयले समयमै काम नसकेको भन्दै कालोसूचीमा राखेको हो ।
सार्वजनिक खरिद ऐन २०६३को दफा ६३ को उपदफा (१) बमोजिम कालोसूचीमा राखेको हो ।
डाइमेन्सनल कन्स्ट्रक्सन, थ्री–स्टार कन्स्ट्रक्सन, चुरे कन्स्ट्रक्सन एण्ड सप्लायर्स, जगतिसिंह कन्स्ट्रक्सन सेवा, क्वालिटी सोलुसन कम्पनी, न्यू रोहित ट्रेडर्स एण्ड अर्डर सप्लायर्स तथा जिबी मेटल क्राफ्ट इण्डस्ट्रिज एण्ड सप्लायर्स कालोसूचीमा परेका छन् ।
उक्त कम्पनीहरूले ६ महिनादेखि १ वर्षसम्म कुनै पनि सार्वजनिक निकायले आह्वान गर्ने खरिद प्रक्रियामा सहभागी हुन पाउने छैनन् ।
