सलिको गल्फ टुनामेन्ट गोकर्ण फरेस्ट रिसोर्टमा आयोजना हुने

काठमाडौँ । सगरमाथा लुम्बिनी इन्स्योरेन्स कम्पनी सलिकोले आगामी शनिवार गोकर्ण फरेस्ट रिसोर्टको गल्फ कोर्समा “सलिको गल्फ टुनामेन्ट २०२६” आयोजना गर्ने भएको छ।

सगरमाथा लुम्बिनी इन्स्योरेन्स सलिको नेपालमा अग्रणी निर्जीवन बीमा सेवा प्रदायक कम्पनी हो। कम्पनीले व्यक्तिगत ग्राहक, व्यवसाय तथा कर्पोरेट क्षेत्रका ग्राहकहरूलाई लक्षित गर्दै विभिन्न प्रकारका निर्जीवन बीमा सेवा प्रदान गर्दै आएको छ। ग्राहक सेवा, जोखिम संरक्षण र नवीनतालाई प्राथमिकतामा राख्दै कम्पनीले विगत तीन दशकदेखि देशभर विश्वसनीय र सहज निर्जीवन बीमा सेवा उपलब्ध गराउँदै आएको छ।

यस वर्षको प्रतियोगिता गोकर्ण फरेस्ट रिसोर्टको १८ होलको च्याम्पियनसिप स्तरको पर-७२ गल्फ कोर्समा आयोजना हुनेछ। करिब १०० जना एमेच्योर गल्फ खेलाडीहरूको सहभागिता रहने अपेक्षा गरिएको यस प्रतियोगितामा मुख्यतः नेपालको कर्पोरेट क्षेत्रका प्रतिनिधिहरू सहभागी हुनेछन्। प्रतियोगिताले प्रतिस्पर्धात्मक खेल, आकर्षक पुरस्कार तथा सहभागीहरूबिच आपसी सम्बन्ध विस्तार, सहकार्य र मित्रता अभिवृद्धि गर्ने अवसर प्रदान गर्नेछ।

खेल प्रतियोगितामा विभिन्न विधामा पुरस्कार प्रदान गरिनेछ। पुरस्कारका विधाहरूमा मेन्स विनर, रनर अप, वेस्ट ग्रस, लेडिज विनर, लेडिज रनर अप, सिनियर विनर ६० वर्ष वा सोभन्दा माथि, सुपर सिनियर विनर  (७० वर्ष वा सोभन्दा माथि), मष्ट ब्रेडिस, क्लोसेट टुदि पिन, लंगेष्ट ड्राइभ तथा सलिको ३० वर्षे ट्रस्ट विजेता  रहेका छन्।

प्रतियोगितालाई थप मनोरञ्जनात्मक र रोमाञ्चक बनाउन होल नं. १० मा होल इन वान गर्ने पहिलो खेलाडीले टाटा नेक्सन कार जित्ने अवसर प्राप्त गर्नेछन्। प्रतियोगिताको सबैभन्दा आकर्षक पक्षमध्ये एक यस पुरस्कारले खेलाडीहरूमा थप उत्साह सिर्जना गर्ने अपेक्षा गरिएको छ।

प्रतियोगिताबारे आफ्नो धारणा व्यक्त गर्दै सलिकोका प्रमुख कार्यकारी अधिकृत चंकी क्षेत्रीले भने, “हाम्रा सरोकारवालाहरू तथा समग्र कर्पोरेट समुदायसँग अर्थपूर्ण सम्बन्ध स्थापित गर्ने निरन्तर प्रयासको एक हिस्साका रूपमा “सलिको गल्फ टुनामेन्ट २०२६” आयोजना गर्न पाउँदा हामी हर्षित भएका छौँ। खेलकुदका यस्ता कार्यक्रमहरू प्रतिस्पर्धामा मात्र सीमित हुँदैनन्, बरु आपसी सद्भाव अभिवृद्धि गर्ने, व्यावसायिक सम्बन्धलाई थप सुदृढ बनाउने तथा इमानदारी, खेल भावना र पारस्परिक सम्मानजस्ता साझा मूल्यका माध्यमबाट मानिसहरूलाई एकै ठाउँमा जोड्ने महत्त्वपूर्ण अवसर पनि हुन्। 

यस प्रतियोगिताले व्यावसायिक कारोबारभन्दा बाहिर रहेर पनि आफ्ना सरोकारवालाहरूसँग सम्बन्ध विस्तार गर्ने र विश्वास तथा दीर्घकालीन साझेदारीलाई थप मजबुत बनाउने अर्थपूर्ण अनुभव सिर्जना गर्ने सलिकोको प्रतिबद्धतालाई प्रतिबिम्बित गर्दछ। स्वस्थ प्रतिस्पर्धा, आपसी सद्भाव र खेलको वास्तविक भावनाले भरिएको स्मरणीय कार्यक्रम हुनेमा हामी विश्वस्त छौँ।”

“सलिको गल्फ टुनामेन्ट २०२६” ले कम्पनीको सरोकारवालाहरूसँगको सम्बन्धलाई थप सुदृढ बनाउने तथा कार्यक्षेत्रभन्दा बाहिर पनि आपसी भेटघाट, संवाद र सहकार्यका अवसर सिर्जना गर्ने निरन्तर प्रतिबद्धतालाई प्रतिबिम्बित गर्दछ। यस प्रतियोगितामार्फत कम्पनीले खेलकुदको माध्यमबाट सम्बन्ध विस्तार गर्दै विश्वास, सहकार्य र दीर्घकालीन साझेदारीलाई प्रोत्साहन गर्ने लक्ष्य राखेको छ।