ओमोडा एण्ड जेइकु इन्टरनेशनल युजर समिट २०२६ मार्फत विश्वव्यापी मोबिलिटीको भविष्य प्रदर्शन

काठमाडौं। विश्वव्यापी रूपमा तीव्र गतिमा विस्तार भइरहेको चेरी ग्रुप अन्तर्गतको अटोमोबाइल ब्रान्ड ओमोडा एण्ड जेइकुले चीनको वुहुमा आयोजना गरेको आफ्नो २०२६ इन्टरनेशनल युजर समिट सफलतापूर्वक सम्पन्न गरेको छ।

अक्टोबर १८ देखि २४ सम्म सञ्चालन भएको उक्त समिटमा विश्वभरका ग्राहक, अटोमोबाइलप्रेमी, सञ्चारकर्मी तथा व्यावसायिक साझेदारहरूको सहभागिता रहेको थियो। समिटमार्फत ब्रान्डले आफ्ना नवीनतम प्रविधि, प्राविधिक विकास तथा मोबिलिटीको भविष्यप्रतिको दृष्टिकोण प्रस्तुत गरेको थियो।

“DRIVE TO THE NEXT VIBE” भन्ने नाराका साथ आयोजना गरिएको यस समिटले ओमोडा एण्ड जेइकु परम्परागत सवारी साधनको अवधारणाभन्दा अघि बढ्दै स्मार्ट प्रविधि, दिगो मोबिलिटी, व्यक्तिगत जीवनशैली र ग्राहककेन्द्रित नवप्रवर्तनलाई कसरी आत्मसात् गरिरहेको छ भन्ने कुरालाई उजागर गरेको थियो।

समिटको प्रमुख आकर्षणमध्ये एक ओमोडा एक्सको विश्वव्यापी सार्वजनिक अनावरण रहेको थियो, जुन अक्टोबर २० मा प्रस्तुत गरिएको थियो। विश्वकै पहिलो Cross Off-Road Vehicle का रूपमा प्रस्तुत गरिएको ओमोडा एक्समा एसयूभीको व्यावहारिकता, अफ-रोड सवारीको साहसिक क्षमता र स्पोर्ट्स कारको गतिशील स्वरूपलाई एकैसाथ समेटिएको छ। यसको विशिष्ट डिजाइनले आधुनिक शहरी जीवनशैली र बाहिरी साहसिक यात्राको अनुभवलाई एउटै सवारी साधनमा समाहित गर्ने ओमोडाको क्रसओभर अवधारणालाई प्रतिनिधित्व गर्दछ।

समिटमा ब्रान्डको Super Hybrid System (SHS) प्रविधिमा भएका नवीनतम विकासहरू पनि प्रदर्शन गरिएको थियो। यसअन्तर्गत नयाँ ५ kWh Hybrid Electric Vehicle (HEV) प्रविधिको विश्वव्यापी सार्वजनिक प्रस्तुति गरिएको थियो। साथै, ओमोडा सुपर हाइब्रिड म्याराथन मार्फत ब्रान्डले आफ्नो हाइब्रिड प्रविधिको वास्तविक सडकमा देखिने कार्यक्षमता र इन्धन दक्षतालाई प्रदर्शन गरेको थियो। उक्त अवसरमा ओमोडा ५ नेक्स्ट SHS-H ले प्रति १०० किलोमिटर मात्र ४.५ लिटर इन्धन खपत गर्दै एउटै ट्याङ्कीको इन्धनमा १,०१५ किलोमिटर यात्रा गर्न सफल भएको थियो। यसले लामो दूरीको यात्रामा उन्नत हाइब्रिड प्रविधिको सम्भावना र दक्षतालाई प्रस्तुत गरेको छ।

त्यसैगरी, Super Intelligent Experience Lab पनि समिटको अर्को प्रमुख आकर्षणका रूपमा रहेको थियो। यसमार्फत Super Intelligent Valet Parking (SIVP) र Super Intelligent AI Space (SIAS) लगायतका अत्याधुनिक स्मार्ट मोबिलिटी प्रविधिहरू प्रदर्शन गरिएको थियो। यी प्रविधिहरूले सवारी साधनलाई अझ स्मार्ट, सहज र व्यक्तिगत आवश्यकताअनुसार अनुकूल बनाउन ओमोडा एण्ड जेइकुले गरिरहेको प्रयासलाई प्रतिबिम्बित गर्दछन्। यसले भविष्यमा सवारी साधन केवल यातायातको माध्यम मात्र नभई प्रयोगकर्ताको आवश्यकता बुझ्न र त्यसअनुसार प्रतिक्रिया दिन सक्ने स्मार्ट सहयात्रीका रूपमा विकास हुने अवधारणालाई समेत प्रस्तुत गरेको छ।

उत्पादन तथा प्रविधिको प्रदर्शनसँगै इन्टरनेशनल युजर समिट विश्वभरका ग्राहकहरूलाई एकै ठाउँमा जोड्ने र विविध अटोमोबाइल जीवनशैलीको उत्सव मनाउने अन्तर्राष्ट्रिय मञ्चका रूपमा समेत स्थापित भएको थियो। विभिन्न अन्तरक्रियात्मक गतिविधि, अन्तर्राष्ट्रिय सहकार्य र ग्राहकहरूको सक्रिय सहभागितामार्फत ब्रान्डले ग्राहकको रुचि, आवश्यकता र बदलिँदो जीवनशैलीलाई केन्द्रमा राखेर मोबिलिटी अनुभव विकास गर्ने आफ्नो प्रतिबद्धतालाई पुनः पुष्टि गरेको छ।

स्थापनाको तीन वर्षभित्रै ओमोडा एण्ड जेइकुले विश्वव्यापी रूपमा उल्लेखनीय उपस्थिति विस्तार गर्न सफल भएको छ। हाल ब्रान्ड विश्वका ७९ बजारमा विस्तार भइसकेको छ, जसमा युरोपका २३ देशसमेत समावेश छन्। साथै, ब्रान्डको कुल विश्वव्यापी बिक्री १४ लाख युनिटभन्दा बढी पुगेको छ। यो तीव्र विस्तारले अन्तर्राष्ट्रिय बजारमा ब्रान्डप्रति बढ्दो आकर्षण तथा नवीन प्रविधि, विशिष्ट डिजाइन र नयाँ ऊर्जा प्रविधिमा आधारित सवारी साधनमार्फत विश्वव्यापी अटोमोबाइल क्षेत्रमा अग्रणी स्थान हासिल गर्ने यसको महत्वाकाङ्क्षालाई प्रतिबिम्बित गर्दछ।

इन्टरनेशनल युजर समिटले ओमोडा एण्ड जेइकुको विश्वव्यापी विस्तारसँगै ग्राहकहरूको आवश्यकता र अपेक्षालाई प्राथमिकतामा राख्ने प्रतिबद्धतालाई पनि थप मजबुत बनाएको छ। विभिन्न बजारका ग्राहकहरूको अनुभव र प्रतिक्रियालाई आत्मसात् गर्दै त्यसलाई उत्पादन तथा प्रविधिको विकासमा समावेश गर्नु ब्रान्डको प्रमुख प्राथमिकता रहँदै आएको छ।

नेपालमा एसपसीजी अटाेमाेबाइल प्राली, ओमोडा एण्ड जेइकुको एकमात्र आधिकारिक वितरक, ले विश्वस्तरमा विकास गरिएका अत्याधुनिक अटोमोबाइल प्रविधि तथा नवीन मोबिलिटी समाधानहरू नेपाली ग्राहकहरूमाझ उपलब्ध गराउँदै ब्रान्डको उपस्थितिलाई थप सुदृढ बनाउँदै आएको छ। अन्तर्राष्ट्रिय स्तरको डिजाइन, कार्यक्षमता, सुरक्षा र ग्राहक सेवाको अनुभव प्रदान गर्दै देशभर आफ्नो सञ्जाल विस्तार गर्ने लक्ष्यका साथ कम्पनी निरन्तर अघि बढिरहेको छ।

समग्रमा, २०२६ इन्टरनेशनल युजर समिट ओमोडा एण्ड जेइकुको विश्वव्यापी यात्राको अर्को महत्वपूर्ण उपलब्धि बनेको छ। यसले मोबिलिटीलाई केवल यातायातको साधनमा सीमित नराखी प्रविधि, व्यक्तिगत पहिचान र आधुनिक जीवनशैलीसँग जोड्ने ब्रान्डको भविष्यप्रतिको दृष्टिकोणलाई थप स्पष्ट पारेको छ।