सेयर बजारमा दोहोरो अंकको गिरावट, ५५ करोड २७ लाखको कारोबार
काठमाडौं । मंगलबार सेयर बजारमा दोहोरो अंकको गिरावट आएको छ । उक्त दिन बजार १६.०६ अंकले घटेको हो ।
साताको तेस्रो कारोबार दिन बजार परिसुचक १८५५.१६ अंकको बिन्दुमा पुगेर बन्द भएको हो । आज व्यापारा समूह ०.८ अंक, होटल तथा पर्यटन ०.८ अंक, म्युचुअल फण्ड ०.०४ अंकले वृद्धि भएको छ । यी बाहेकका सबैसमूहहरु राताम्मे बनेका छन् ।
उक्त दिन कारोबार रकम ५५ करोड २७ लाख १२ हजार रुपैयाँमा सिमित भएको छ । आज नबिल बैंकको सबैभन्दा बढी सेयर कारोबार भएको छ । आज बैंकको ३ करोड १० लाख ९ हजार रुपैयाँ बराबरको सेयर खरिदबिक्री भएको हो ।
