राष्ट्र बैंकले फेरि भन्यो, ‘क्रिप्टोकरेन्सी अबैध’

काठमाडौं । पछिल्लो समय नेपालभित्रै अभौतिक मुद्रा (क्रिप्टोकरेन्सी)को कारोबार गर्न र माइनिङ गर्न सामाजिक सञ्जालमार्फत् आह्वान गर्न थालिएपछि राष्ट्र बैंकले पुनः एक पटक यस्ता कार्य गैह्रकानूनी भएको भन्दै सूचना निकालेको छ । केन्द्रिय बैंकले चार वर्ष अघि पनि यस्तै सूचना प्रकाशित गरेर अभौतिक मुद्राको कारोबारमा प्रतिबन्ध लगाएको बताएको थियो ।

विहीबार प्रकाशित नयाँ सूचनामा भनिएको छ, ‘हालका दिनमा क्रिप्टोकरेन्सीहरुको कारोबार, प्रयोग र माइनिङजस्ता कार्यमा संलग्न हुन प्रोत्साहन गर्ने÷गराउने समेत गरेको पाइएको छ ।’ यस्तो कार्यबाट सर्वसाधारणहरु ठगिएको वा ठगिनसक्ने देखिएकाले त्यस्तो काम गर्नेलाई कानून अनुसार कारबाही अघि बढाउने राष्ट्र बैंकले भनेको छ ।