आइपीओ जारी गर्ने प्रस्ताव पारितका लागि टक्सार पिखुवाखोला हाइड्रोपावरले बोलायो साधारण सभा

काठमाडौ । टक्सार पिखुवाखोला हाइड्रोपावर लिमिटेडले वार्षिक साधारण सभा भदौ ७ गतेका लागि बोलाएको छ । सभा कम्पनीको कार्यालय खिचापोखरी काठमाडौंमा बिहान ११ बजे बस्ने गरी आव्हान गरेको हो ।

सभामा कम्पनीले आइपीओ जारी गर्ने विशेष प्रस्ताव पेश गर्नेछ । साथै, सभामा आर्थिक वर्ष २०७९।८० को सञ्चालक समितिको वार्षिक प्रतिवेदन माथि छलफल गरी पारित गर्नुका साथै लेखापरीक्षक नियुक्ति गर्ने र निजको पारिश्रमिक निर्धारण गर्ने प्रस्ताव समेत रहेको छ ।