छुट्नु होला है ? माथिल्लो मैलुङ खोलाको आइपीओमा आवेदन दिने आज अन्तिम मौका
काठमाडौं । माथिल्लो मैलुङ खोला जलविद्युतको आइपीओमा आवेदन दिने आज अर्थात भदौ १७ गते अन्तिम दिन रहेको छ। स्थानीय बासिन्दाले कम्पनीको आइपीओमा आजसम्म मात्र आवेदन दिन पाउनेछन् ।
कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्कासन गरेको हो । वैदेशिक रोजगारीमा गएका नेपालीले आवेदन दिन म्याद भने सकि सकेकोछ । कम्पनीले स्थानीयलाई जारी पुँजी एक अर्ब रुपैयाँको १० प्रतिशत अर्थात १० करोड रुपैयाँ बराबरको सेयर बिक्री गरेकोथियो । एक सय अंकित मूल्यमा १० लाख कित्ता सेयर स्थानीयलाई जारी गरेको हो । जस मध्य पाँच लाख ७१ हजार ४३० कित्ता सेयर आयोजना अति प्रभावित क्षेत्र रसुवा जिल्लाको उत्तरगया गाउँपालिका वडा नं। १ का बासिन्दाहरुलाई निष्कासन गरेको हो ।
त्यस्तै, दुई लाख ८५ हजार ७२० कित्ता सेयर आयोजना प्रभावित क्षेत्र रसुवा जिल्लाको उत्तरगया गाउँपालिका वडा नं। २, ३, ४ र ५ तथा नुवाकोट जिल्लाको किस्पाङ गाउँपालिका वडा नं। ५ मा बसोबास गर्ने स्थिानीय बासिन्दाहरुका लागि निष्कासन गरेको छ । यी क्षेत्र बाहेकका रसुवा जिल्लाका अन्य क्षेत्रका स्थानिय बासिन्दाहरुका लागि एक लाख ४२ हजार ८५० कित्ता सेयर जारी हुनेछ ।
साथै, सर्वसाधारणमा निष्कासन हुने १५ लाख कित्ता सेयरमध्ये १० प्रतिशत अर्थात एक लाख ५० हजार कित्ता सेयरमा भने वैदेशिक रोजगारीमा रहेका नेपालीहरुले आवेदन हुला गरेको थियो । लगानीकर्ताले न्यूनतम १० कित्तादेखि अधिकतम १० हजार कित्तासम्म आवेदन दिन सक्नेछन् ।
क्रेडिट रेटिङ संस्था केयर रेटिङ नेपालले यस कम्पनीलाई वित्तीय दायित्व बहन गर्ने क्षमतामा औसत जोखिम रहेको जानाउने ‘केयर एनपी डबल बी इस्यूअर रेटिङ’ प्रदान गरेको छ । स्थानीयले यस आयोजनाको आयोजना स्थल, सानिमा क्यापिटल, सानिमा बैंक र एनएमबि बैंकका तोकिएका शाखा कार्यालयबाट आवेदन दिन सक्नेछन् ।
