प्रधानमन्त्री ओलीले आइतबार विश्वासको मत लिने
अर्थ पथ
प्रकाशित मिति : २ श्रावण २०८१, बुधबार १६ : ०० बजे
0
Shares
काठमाडौं । प्रधानमन्त्री केपी शर्मा ओलीले आइतबार विश्वासको मत लिने भएका छन् । प्रधानमन्त्री ओलीले आइतबार प्रतिनिधिसभा बैठकमा विश्वासको मत लिन लागेका हुन् । एमाले अध्यक्ष ओली संविधानको धारा ७६ (२) अनुसार ३० असारमा प्रधानमन्त्री नियुक्त भएका थिए ।
धारा ७६ (४) अनुसार नियुक्त भएको ३० दिनभित्र विश्वासको मत लिनुपर्छ ।
२७५ सदस्यीय प्रतिनिधिसभामा बहुमतका लागि १३८ मत चाहिन्छ । नेपाली कांग्रेस, एमाले, जसपा र लोसपा सरकारमा सहभागी छन् ।
जनमत, नागरिक उन्मुक्ति लगायतका दलले पनि सरकारलाई समर्थन गर्ने बताएका छन् ।
