अष्ट्रेलियाको राजदूतमा यादव नियुक्त
काठमाडौं । अष्ट्रेलियाका लागि नेपालको आवासीय राजदूतमा चित्रलेखा यादव नियुक्त भएकी छन् ।
संविधानको धारा २८२ को उपधारा (१) बमोजिम मन्त्रिपरिषद्को सिफारिसमा यादवलाई अष्ट्रेलियाका लागि आवसीय राजदूत पदमा नियुक्त गरिएको हो ।
आइतबार राष्ट्रपति रामचन्द्र पौडेलले यादवलाई अष्ट्रेलियाको राजदूत नियुक्त गरेका हुन् । उनी गत असोज १६ गतेको संसदीय सुनुवाइ समितिबाट अनुमोदित भएकी थिइन् ।
राष्ट्रपति कार्यालयबाट जारी विज्ञप्तिमा भनिएको छ,‘संविधान धारा २८२ को उपधारा (१) बमोजिम नेपाल सरकार, मन्त्रिपरिषदको सिफारिसमा यादलाई अष्ट्रेलियाका लागि नेपालको आवासीय राजदुतमा नियुक्ति गरिएको छ’
