घरजग्गा दलालको लाइसेन्स बाँड्दै सरकार, माग्यो निवेदन
काठमाडौं । सरकारले अब तीन करोड रूपैयाँभन्दा बढीको घरजग्गा कारोबार गर्न चाहने फर्म, कम्पनी वा संस्थाले अनिवार्य रूपमा इजाजतपत्र (लाइसेन्स) लिनुपर्ने व्यवस्था गरेको छ ।
भूमि व्यवस्था, सहकारी तथा गरिबी निवारण मन्त्रालय अन्तर्गतको भूमि व्यवस्थापन तथा अभिलेख विभागले घरजग्गा कारोबारको लागि लाइसेन्स लिन दरखास्त आह्वान गरेको हो ।
विभागले महानगरपालिका र उपमहानगरपालिका क्षेत्रलाई कार्यक्षेत्रको रूपमा घोषणा गरेको छ । एक पटकमा तीन करोड रूपैयाँभन्दा बढीको कारोबार गर्न चाहने फर्म, कम्पनी वा संस्थाले ३० दिनभित्र अनलाइनमार्फत निवेदन पेश गर्नुपर्नेछ ।
