निगमको महाप्रबन्धक अब खुला प्रतिस्पर्धाबाट छनोट हुने, मैनालीको संयोजकत्वमा सिफारिस समिति
काठमाडौं । नेपाल वायुसेवा निगम (नेपाल एयरलाइन्स) का लागि नयाँ महाप्रबन्धक अब खुला प्रतिस्पर्धामार्फत चयन गरिने भएको छ ।
पर्यटन मन्त्रालयका सचिव हरिप्रसाद मैनालीको संयोजकत्वमा योग्य उम्मेदवार सिफारिस गर्न समिति गठन गरिएको छ ।
समितिमा क्याप्टेन कुलबहादुर लिम्बु विज्ञ सदस्यका रूपमा सहभागी छन् भने मन्त्रालयका सहसचिव सदस्यसचिव रहँनेछन् ।
समितिले एक महिनाभित्र योग्य उम्मेदवार सिफारिस गर्नेछ ।
नयाँ महाप्रबन्धक नियुक्त नभएसम्म निगमका उपमहानिर्देशक जनकराज कालाखेतीले निमित्त महाप्रबन्धकको जिम्मेवारी सम्हाल्ने निर्णय गरिएको छ ।
त्यसैगरी, निगमको सञ्चालक समिति अध्यक्षको जिम्मा हालका उपाध्यक्ष विक्रम राईले सम्हाल्नेछन् । पूर्व कार्यकारी अध्यक्ष युवराज अधिकारीको कार्यकाल ७ कात्तिकमा सकिएको हो ।
