शाइन रेसुङ्गा डेभलपमेन्ट बैंकले डाक्यो साधारण सभा, लाभांश प्रस्ताव पारित गर्ने
काठमाडाैं । शाइन रेसुङ्गा डेभलपमेन्ट बैंक लिमिटेडले मंसिर २६ गते सत्रौँ वार्षिक साधारण सभा बाेलाएकाे छ ।
गत आर्थिक वर्षको मुनाफबाट शेयरधनीहरुलाई वितरण गर्ने घोषणा गरेको लाभांश प्रस्ताव पारित गर्न बैंकले साधारण सभा बाेलाएको हाे।
सो सभा मंसिर २६ गते, शुक्रबार, होटल सेफ्रन सिके प्रालि, बुटवल, रुपन्देहीमा अपरान्ह साढे १२ बजे शुरु हुनेछ।
सभाले हाल कायम चुक्ता पूँजीको ३ प्रतिशत बोनस शेयर र सोको कर प्रयोजनार्थसहित १० प्रतिशत नगद लाभांश वितरण गर्ने विशेष प्रस्ताव पारित गर्नेछ।
त्यस्तै, सभाले अन्य बैंक तथा वित्तीय संस्थासँग मर्जर अथवा एक्विजिशन सम्बन्धि कार्य गर्न र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।
साधारण सभा तथा लाभांश वितरण प्रयोजनार्थ बैंकले मंसिर १२ गते बुकक्लोज गर्ने भएको छ। यस अनुसार मंसिर ११ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउन तथा बैंकले वितरण गर्ने लाभांश प्राप्त गर्न सक्नेछन्।
