एमाले हाइकमाण्डमा ‘म्यान अफ दी इलेक्सन’ बने– पीएस गुरुङ्ग, २२ जनाले कटाए १००० भोट

काठमाडौँ । नेकपा एमालेको ११ महाधिवेशनमा पदाधिकारीतर्फ सर्वाधिक मत पाएर पृथ्वी सुब्ब (पीएस) गुरुङ्ग ‘म्यान अफ दी इलेक्सन’ बनेका छन् । खेलकुदमा जस्तो चुनावमा पनि यस खाले कुनै वैधानिक उपाधि दिने प्रचलन नभए पनि उनले पाएको सर्वाधिक मतको कदर हुनुपर्छ ।

गुरुङ्ग परम्परागत रुपमा विष्णुप्रसाद पौडेलले नेतृत्व गरेको तेस्रो धारका सहायक नेता हुन् । तर उनले आफ्ना नेता पौडेललाई पनि मतान्तरमा पछि पारेका छन् । गुरुङ्गले १७३७ र पौडेलले १६७५ मत पाएका छन् ।

पार्टी अध्यक्षमा तेस्रो पल्ट निर्वाचित भएका केपी शर्मा ओली मत संख्याको आधारमा तेस्रो स्थानमा छन् । उनले १६६३ मत पाएका छन् । ओलीलई पच्छ्याउन चाहीँ विद्यमान एमाले पार्टीका ‘आइरन–म्यान’ महेश बस्नेत अएका छन् । उनले सचिवहरुमा सबैभन्दा धेरै र पुरा पदाधिकारीहरुमा चौँथो बढी मत हासिल गरे । बस्नेतले १५४४ मत पाएका छन् ।

त्यसपछि लोकप्रिय मत पद्माकुमारी अर्यालले पाएकी छिन् । उनले १५३० मत पाइन् । रामबहादुर थापाले १५१६ मत, छविलाल विश्वकर्माले १५०६ मत र शेरधन राईले १५०३ मत पाए ।

१५०० भन्दा कम मत पाउनेहरुको सूचीमा लेखराज भट्ट अगाडी देखिएका छन् । उनले १४५२ मत पाए । त्यसपछि गोकर्णराज विष्ट, रघुवीर महासेठ, योगेश भट्टराई र हिक्मतकुमार कार्कीले १३०० देखि १४०० को बीचमा मत पाए । १२०० को रेञ्जमा मत प्राप्त गर्नेमा रघुजी पन्त, खगराज अधिकारी र शंकर पोखरेल रहे । उनै पोखरेल पार्टी महासचिवमा निर्वाचित भएका छन् । तर लोकप्रिय मतमा उनको स्थान १६ औँ हुन्छ ।

यस बाहेक यामलाल कंडेल, राजन भट्टराई, गुरु बराल, भानुभक्त ढकाल, विष्णु रिमाल र गोकुलप्रसाद बास्कोटाले १००० भोट कटाएका छन् । उनीहरुले १००० देखि १२०० को बीचमा मत प्राप्त गरेका छन् । यीमध्ये रिमाल र बास्कोटा पराजित उमेदवार हुन् ।

एक हजार भोट कटाउन नसक्नेहरुमध्ये सबैभन्दा धेरै मत महासचिवका उमेदवार सुरेन्द्र पाण्डेले पाएका छन् । उनले ९९९ मत पाए । त्यसपछि विन्दा पाण्डे, ठाकुरप्रसाद गैरे, रचना खड्का, कर्णबहादुर थापा, लालबाबु पण्डित र अग्निप्रसाद खरेलले ७०० देखि १ हजारको बीचमा मत पाएका छन् ।

अझै तल्लो ‘रेञ्ज’ हेर्ने हो भने ४०० देखि ७०० मतको बीचमा १० जना उमेदवारले भोट पाएका छन् । यसरी भोट पाउनेमा क्रमश: विनोदप्रसाद ढकाल, आनन्द पोख्रेल, कृष्णगोपाल श्रेष्ठ, ईश्वर पोखरेल (अध्यक्ष उमेदवार), वैजनाथ चौधरी, पेम्वा लामा, पुर्सोतम पौडेल, पर्शुराम मेघि गुरुङ्ग, अरुण नेपाल र इन्द्रलाल साप्कोटा रहेका छन् ।

भिमप्रसाद आचार्य पदाधिकारीमध्ये सबैभन्दा कम भोट पाउने उमेदवार हुन् । उनले केवल २६५ मत पाए । त्यसपछि प्रेस चौतारी नेपालका पूर्वअध्यक्ष राजेन्द्र गौतमले २७० भोट पाए । टकंप्रसाद कार्कीले ३५८ मत पाए । यी तीन जनाले ४०० भोट पनि कटाउन सकेनन् ।

लोकप्रिय मतमा यस्तो छ परिणाम :