नेपालमा छिट्टै सार्वजनिक हुँदै अन्तर्राष्ट्रिय अवार्ड विजेता रिडारा आरडी ६ इकन २ डब्लुडी 

काठमाडाैं । रिडाराले आफ्नो आरडी ६ इकन २ डब्लुडीले कार अफ द इयर २०२६ थाइल्याण्ड अवार्ड समारोहमा प्रतिष्ठित “बेस्ट २ डब्लुडी  पीकअप ईभी” अवार्ड जित्न सफल भएको घोषणा गरेको छ।

यो उपलब्धि ब्रान्डका लागि विश्वव्यापी रूपमा एक महत्वपूर्ण उपलब्धि हो । अझ विशेष कुरा के भने, यो सम्मान रिडारा आरडी ६ इकन नेपालमा सार्वजनिक हुने तयारी भइरहेका बेला प्राप्त भएको हो ।

यस अवार्डले आरडी ६ इकन २ डब्लुडीलाई आफ्नो सेग्मेन्टका उत्कृष्ट इलेक्ट्रिक पिक अपहरूमध्ये एकको रूपमा स्थापित गरेको छ। शक्तिशाली प्रदर्शन, व्यवहारिक प्रयोगयोग्यता र अत्याधुनिक इलेक्ट्रिक भेहिकल प्रविधिको उत्कृष्ट संयोजनका कारण यस मोडेलले यो मान्यता प्राप्त गरेको हो । दक्षिण-पूर्वी एसियाको अत्यन्त प्रतिस्पर्धी अटोमोबाइल बजारमध्ये एक मानिने थाइल्याण्डबाट प्राप्त यो सम्मानले रिडाराको नवप्रवर्तन र गुणस्तरप्रतिको प्रतिबद्धतालाई अझ बलियो बनाएको छ । 

नेपालको अटोमोबाइल बजार क्रमशः दिगो र वातावरणमैत्री यातायाततर्फ अग्रसर भइरहेका बेला रिडारा आरडी इकनलाई नेपालमा भित्र्याउने तयारी ब्रान्डको दीर्घकालीन दृष्टिकोणसँग मेल खान्छ । आधुनिक, दक्ष र वातावरणमैत्री पिकअप समाधान नेपाली बजारमा ल्याउने उद्देश्यका साथ यो मोडेल तयार गरिएको हो । शक्तिशाली इलेक्ट्रिक ड्राइभट्रेन, आरामदायी ड्राइभिङ अनुभव र बहुउपयोगी क्षमता भएका कारण आरडी ६ इकन शहरमा चलाउने चालकदेखि साहसिक यात्रामा रुचि राख्ने प्रयोगकर्तासम्मका आवश्यकताहरू पूरा गर्न सक्षम छ।

नेपालमा सार्वजनिक हुनुअघि नै प्राप्त भएको यो अन्तर्राष्ट्रिय सम्मानले यस मोडेलप्रतिको विश्वव्यापी विश्वासलाई झन् मजबुत बनाएको छ। यसले रिडाराका इलेक्ट्रिक पिकअप प्रविधिको उन्नत इन्जिनियरिङ र विश्वस्तरीय क्षमतालाई पनि स्पष्ट रूपमा देखाउँछ, जसले नेपाली बजारमा यसको प्रवेशका लागि सशक्त आधार तयार गरेको छ । 

रिडारा थाइल्याण्डका एक प्रतिनिधिले भने, “यो उपलब्धि हाम्रो सम्पूर्ण विश्वव्यापी टिमका लागि गर्वको क्षण हो । नेपालका ग्राहकहरूमाझ आरडी ६ इकन सार्वजनिक गर्ने तयारी भइरहेका बेला यस्तो अन्तर्राष्ट्रिय मान्यता प्राप्त हुनु हाम्रो लागि थप प्रेरणादायी बनेको छ। यो अवार्डले नवप्रवर्तन, गुणस्तर र दिगो यातायातप्रतिको हाम्रो प्रतिबद्धतालाई पुष्टि गरेको छ, र हामी विश्वव्यापी रूपमा मान्यता प्राप्त यो इलेक्ट्रिक पिकअप नेपाली बजारमा ल्याउन उत्साहित छौं ।”

छिट्टै नेपालमा उपलब्ध हुन लागेको आरडी ६ इकन मार्फत रिडाराले पिकअप अनुभवलाई नयाँ स्तरमा पुयाउने लक्ष्य राखेको छ। परम्परागत पिकअपको मजबुती र उपयोगितालाई इलेक्ट्रिक मोबिलिटीको दक्षता र दिगोपनसँग संयोजन गर्दै यसले पिकअप सेग्मेन्टमा नयाँ मानक स्थापित गर्ने अपेक्षा गरिएको छ ।