१६ सय रुपैयाँले घट्यो सुनको मूल्य, कतिमा भइरहेको छ कारोबार ? 

काठमाडौं । आज सुनको मूल्य फेरी घटेको छ । आज सुनको मूल्य तोलामा १६ सय रुपैयाँले घटेको नेपाल सुनचाँदी व्यवसायी महासंघले जनाएको छ । 

सोमबार प्रतितोला २ लाख ७५ हजार ५०० रुपैयाँ रहेको सुन आज घटेर २ लाख ७३ हजार ९०० रुपैयाँमा आएको छ । 

चाँदीको भने बढेको छ । महासंघका अनुसार चाँदी प्रतितोला ८० रुपैयाँले बढेको हो । 

सोमबार चाँदी तोलाको ४ हजार ४२५ रुपैयाँमा कारोबार भएको थियो भने आज बढेर ४ हजार ५०५ रुपैयाँ कायम भएको छ ।