पब्जी मोबाइल नेशनल च्याम्पियनसिप नेपाल २०२६ को आधिकारिक इन्टरनेट पार्टनरमा भायनेट

काठमाडौं। भायनेट कम्युनिकेशनले ‘पब्जी मोबाइल नेशनल च्याम्पियनसिप नेपाल २०२६’ सँग साझेदारी गर्दै प्रतियोगिताको आधिकारिक इन्टरनेट पार्टनर बनेको छ ।

यस साझेदारीमार्फत भायनेटले नेपालको बढ्दो ई-स्पोर्ट्स तथा गेमिङ समुदायसँग आफ्नो सम्बन्ध थप बलियो बनाउने भएको छ ।

पब्जी मोबाइल नेशनल च्याम्पियनसिप नेपाल २०२६ को राष्ट्रिय फाइनल प्रतियोगिता भदौ ६ र ७ गते काठमाडौंस्थित दशरथ रंगशाला कभर्ड हलमा आयोजना हुँदैछ ।

प्रतियोगितामा नेपालका उत्कृष्ट पब्जी माेबाइल टोलीहरूले राष्ट्रिय उपाधिका लागि प्रतिस्पर्धा गर्नेछन् ।

पछिल्लो समय नेपालमा गेमिङ मनोरञ्जनमा मात्र सीमित नभई प्रतिस्पर्धा, समुदाय र युवाहरूका लागि करियरको सम्भावनासमेत बन्दै गएको छ । यही परिवर्तनलाई ध्यानमा राख्दै भायनेटले ई- स्पोर्ट्सलाई नेपालको नयाँ पुस्तासँग जोडिने महत्वपूर्ण माध्यमका रूपमा लिएको छ ।

“गेमिङ अहिले केवल मनोरञ्जनमा सीमित छैन । धेरै युवाका लागि यो रुचि, प्रतिस्पर्धा, समुदाय र करियरको सम्भावना बनेको छ,” भायनेट कम्युनिकेशनका कमर्सियल तथा मार्केटिङ विभागका सहायक उपाध्यक्ष शहिन श्रेष्ठले भने, “प्रतिस्पर्धात्मक गेमिङमा हरेक क्षण महत्वपूर्ण हुन्छ र यस्तो अवस्थामा इन्टरनेटको गुणस्तरले ठूलो फरक पार्छ । पब्जी मोबाइल नेशनल च्याम्पियनसिप नेपाललाई जोड्न पाउँदा हामी उत्साहित छौं। यसमार्फत गेमर तथा गेमिङ समुदायलाई भायनेट वाईफाइ ६ को अनुभवसँग जोड्न चाहन्छौं ।”

भायनेट वाईफाइ ६ उच्च क्षमताको इन्टरनेट आवश्यक पर्ने गतिविधिका लागि तयार गरिएको प्रविधि हो । यसले ४ गुणासम्म उच्च कार्यक्षमता, राम्रो पहुँच र कम विलम्बता प्रदान गर्ने कम्पनीले जनाएको छ । गेमिङका साथै भिडियो हेर्ने, घरबाटै काम गर्ने तथा एउटै समयमा धेरै उपकरण प्रयोग हुने अवस्थामा पनि वाईफाइ ६ ले सहज इन्टरनेट अनुभव दिन सहयोग गर्ने भायनेटको भनाइ छ ।

नेपालमा ई–स्पोर्ट्सप्रति युवाहरूको आकर्षण बढ्दै जाँदा Vianet ले खेलाडी, गेमर र सम्पूर्ण गेमिङ समुदायलाई राम्रो इन्टरनेट अनुभव प्रदान गर्ने उद्देश्यले यस क्षेत्रमा आफ्नो सहभागिता बढाउँदै लगेको छ ।

पब्जी मोबाइल नेशनल च्याम्पियनसिप नेपाल २०२६ मा भायनेटले प्रतियोगिताको इन्टरनेट साझेदारका रूपमा खेलाडीहरूको प्रतिस्पर्धालाई आवश्यक कनेक्सन उपलब्ध गराउनेछ । यस साझेदारीमार्फत भायनेटले नेपालको ई स्पोर्ट्स क्षेत्रमा आफ्नो उपस्थितिलाई थप बलियो बनाउँदै गेमिङ समुदायसँगको सम्बन्धलाई नयाँ स्तरमा लैजाने अपेक्षा गरेको छ ।