प्रधानमन्त्रीले बोलाए मन्त्रिपरिषद्को बैठक, राहत र पुनर्स्थापनाका विषयमा छलफल हुने

काठमाडौँ। प्रधानमन्त्री वालेन्द्र शाह (बालेन)ले मन्त्रिपरिषद्को बैठक बोलाएका छन्। प्रधानमन्त्रीको सचिवालयका अनुसार बैठक आज भदौ २५ गते दिउँसो ३ बजे सिंहदरबारमा रहेको प्रधानमन्त्री तथा मन्त्रिपरिषद्को कार्यालयमा बस्नेछ।

बैठकमा विभिन्न समसामयिक विषयमाथि छलफल हुने तयारी छ। विशेषगरी पछिल्लो समय बाढीबाट प्रभावित क्षेत्रमा जारी खोज तथा उद्धार, घाइतेको उपचार, राहत वितरण र पुनर्स्थापनाको अवस्थाबारे बैठकमा समीक्षा हुने बताइएको छ।

भदौ १० गते रसुवाको भोटेकोशी नदीमा आएको ठूलो बाढीपछि सरकारले प्रभावित क्षेत्रका नागरिकको उद्धार तथा व्यवस्थापनलाई प्राथमिकतामा राख्दै आएको छ। बाढीका कारण प्रभावित तथा विस्थापित परिवारलाई राहत उपलब्ध गराउने, घाइतेको उपचार गर्ने र पुनर्स्थापनाको काम अघि बढाउने कार्य जारी छ।

प्रधानमन्त्रीको सचिवालयका अनुसार प्रभावित क्षेत्रमा भइरहेका राहत र पुनर्स्थापनाका प्रयासलाई अझ व्यवस्थित र प्रभावकारी बनाउने उद्देश्यले बैठकबाट आवश्यक निर्णय लिइने अपेक्षा गरिएको छ।