दक्षिण एसियाली क्षेत्रको साइबर सुरक्षा कम्पनीको अग्रसरतामा धनगढीमा आईबीएम टेकएक्स कार्यक्रम सम्पन्न

काठमाडाैं । नेपालको प्रादेशिक प्रविधि क्षेत्रमा एक ऐतिहासिक माइलस्टोन थप्दै आईबीएम टेकएक्स कार्यक्रम गत अक्टोबर १, २०२६ का दिन सुदूरपश्चिम प्रदेशको धनगढीमा औपचारिक रूपमा शुभारम्भ गरिएको छ।

दक्षिण एसियाली क्षेत्रको अग्रणी साइबर सुरक्षा तथा प्रविधि कम्पनीको सहकार्य र अग्रसरतामा आयोजित यस उच्चस्तरीय कार्यक्रममा प्रदेश सरकारका नेतृत्वकर्ताहरू, राष्ट्रिय महासंघका पदाधिकारीहरू, शैक्षिक क्षेत्रका विज्ञहरू र साइबर सुरक्षा विशेषज्ञहरूको भव्य सहभागिता रहेको थियो।

उक्त उद्घाटन समारोहका प्रमुख अतिथि सुदूरपश्चिम प्रदेशका मुख्यमन्त्री खगराज भट्ट रहेका थिए भने कार्यक्रममा क्यान महासंघका कार्यवाहक अध्यक्ष चिरञ्जीवी अधिकारी, उपाध्यक्ष ओमकार श्रेष्ठ, क्यान महासंघ सुदूरपश्चिम प्रदेशका अध्यक्ष धिरेन बोगटी, पीसीपीएसका चीफ ग्रोथ अफिसर कृपा श्रेष्ठ, ऋषिका दाहाल, वन कभर प्रालीका एआई कन्सल्ट्यान्ट बाबुराम श्रेष्ठ लगायतका व्यक्तित्वहरूको उपस्थिति रहेको थियाे।

कार्यक्रमले प्रादेशिक स्तरमा डिजिटल सुशासन, इन्टरप्राइजेज अटोमेसन (स्वचालन) र प्राविधिक सीप विकासलाई तीव्र पार्ने प्रतिबद्धता व्यक्त गरेको छ।

क्षेत्रीय व्यवसायहरूले आर्टिफिसियल इन्टेलिजेन्स (एआई), क्लाउड आर्किटेक्चर र अटोमेसन प्रविधिहरूलाई तीव्र रूपमा आत्मसात गरिरहेको सन्दर्भमा डिजिटल सम्पत्तिहरूको सुरक्षा अपरिहार्य बनेको छ।

यस परिप्रेक्ष्यमा, संस्थागत नेटवर्कहरूलाई सुरक्षित राख्न दक्षिण एसियाकै अग्रणी साइबर सुरक्षा तथा आईटी सुरक्षा सेवा प्रदायक कम्पनी वन कभर प्राइभेट लिमिटेडका सेवाहरू अत्यन्त महत्त्वपूर्ण हुने विज्ञहरूले औंल्याएका छन्।

यस प्रकारका प्रादेशिक पहलहरूले आईबीएम टेकएक्सचेन्ज अटोमेसन युजर ग्रुप नेपाल र क्राइस्ट युनिभर्सिटीको आईबीएम इनोभेसन सेन्टर जस्ता अन्तर्राष्ट्रिय तथा क्षेत्रीय अभ्यासहरूसँग सहकार्य गर्दै स्थानीय जनशक्तिलाई प्राविधिक रूपमा सक्षम बनाउन सहयोग पुर्‍याउनेछन्। साथै, प्राविधिक क्षेत्रमा करियर विश्राम लिएका व्यावसायिक जनशक्तिहरूलाई पुनः मुख्य प्रवाहमार्फत जोड्ने आईबीएम टेक री-इन्ट्री प्रोग्राम जस्ता वैश्विक अवधारणाबाट प्रेरणा लिँदै सुदूरपश्चिममा दक्ष जनशक्ति उत्पादनमा टेवा पुग्ने विश्वास गरिएको छ।