निर्यात क्षमता १० खर्ब पुर्याउने भन्दै चेम्बरले गर्यो रणनीतिक योजनाको घोषणा
काठमाडौँ । नेपाल चेम्बर अफ कमर्सले वार्षिक निर्यात क्षमता १० खर्ब रुपैयाँ पुर्याउने गरी योजना तर्जुमा गरेको छ ।
चेम्बर अफ कमर्सका अध्यक्ष कमलेशकुमार अग्रवाल नेतृत्वको नयाँ कार्यसमितिले आगामी ३ वर्षमा व्यापार घाटा न्यूनीकरणका लागि निर्यात प्रवद्र्धन कार्ययोजना तयार गरेको हो ।
तुलनात्मक लाभ भएका कृषि, जलश्रोत, पर्यटन तथा सूचनाप्रविधि क्षेत्रमा स्वदेशी र विदेशी लगानी आर्कषित गरी उत्पादनदेखि बजारीकरणसम्म सहजिकरण गरिने चेम्बरले उल्लेख गरेको छ ।
रणनीतिक सुधार योजना, राजस्वमा नीतिगत सुधार, वित्तीय व्यवस्थापन र कृषिको उत्पादन वृद्धि एवम् आत्मनिर्भर अर्थतन्त्रको निर्माणका लागि चेम्बरले ४९ बुँदाको कार्ययोजना तय गरेको हो ।
चेम्बरद्वारा जारी विज्ञप्तिमा भनिएको छ, ‘विश्व व्यापार संगठनको सदस्य बनेयता नेपालले निरन्तर व्यापार घाटा बेहोरिरहेको छ । हाल आयातको हिस्सा ९० र निर्यातको हिस्सा १० प्रतिशतको अनुपातमा छ ।’ यसलाई घटाउन निर्यात योग्य बस्तुहरुको पहिचान एवं प्रवद्र्धन गरी निर्यातको वतावरण बनाईने कार्ययोजनामा उल्लेख छ ।
सातै प्रदेशमा निर्यात घर स्थापना सम्बन्धी अवधारणाको व्यावहारिक कार्यान्वयनका लागि पहल गर्ने चेम्बरले बताएको छ । व्यापार प्रवद्र्धनका लागि निर्यात सहजिकरण एवम् अन्तराष्ट्रियस्तरको क्वारेन्टिन ल्याव स्थापनाका लागि पहल गर्ने चेम्बरले जनाएको छ ।
यस्तै रेमिट्यान्सलाई उत्पादन मुलुक क्षेत्रमा प्रोत्साहन गर्न नीतिगत कार्ययोजना बनाउने चेम्बरले जनाएको छ । वैदेशिक रोजगारीबाट फर्किएका युवाहरुको सीपलाई अध्यागमनमा लगत संकलन गर्ने र युवाहरुको सीपलाई स्वदेशी उत्पादनमा लगाउनका लािग प्रवद्र्धन कार्यक्रम सञ्चालन गरिने चेम्बरद्वारा जारी विज्ञप्तिमा उल्लेख छ ।
चेम्बरले दिगो आर्थिक विकासका लागि स्थिर सरकार र नीतिगत स्थायित्वमा जोड दिएको छ । आर्थिक वर्ष २०८१÷८२ देखि लागु हुने १६ औं पञ्चवर्षीय योजना, सरकारको नीति तथा कार्यक्रम, बजेट र मौद्रिक नीतिबीचको प्रभावकारी तालमेलका लागि पहल गर्ने चेम्बरले उल्लेख गरेको छ ।
पुँजीगत खर्च वृद्धि एवं आवाधिक योजनाको प्रभावकारी कार्यान्वयन, पुँजीगत खर्च समयमै सम्पन्न गर्नका लागि समयवद्ध तालिका बनाएर परिणाम दिनेगरी काम गर्नका लागि नीतिगत पहल गरिनेमा समेत चेम्बरले उल्लेख गरेको छ ।
कुल गार्हस्थ उत्पादन जीडीपीमा थोक तथा खुद्रा व्यापार क्षेत्रको योगदान १४ प्रतिशत रहेको भन्दै चेम्बरले व्यवसायिक एवम् रोजगारी अभिवृद्धिका लागि व्यापार सहजिकरण गर्दै जीडीपीमा थोक तथा खुद्रा व्यापार क्षेत्रको योगदानलाई थप वृद्धि गर्न पहल गरिने चेम्बरले उल्लेख गरेको छ ।
पूर्वाधारका योजनालाई पाईलट प्रोजेक्टका रुपमा विकास गरी विदेशी लगानीको आर्कषणका लागि पहल गरिने पनि चेम्बरद्धारा जारी विज्ञप्तिमा उल्लेख छ । तुलनात्मक लाभ भएका कृषि, जलश्रोत, पर्यटन, तथा सूचना प्रविधि क्षेत्रमा स्वदेशीसँगै विदेशी लगानी भित्र्याउनका लागि पहल गर्ने जनाएको छ ।
विश्व व्यापार संगठन, बिमस्टेक र साप्mटा आदिमा गरिएका प्रतिवद्धता अनुसार भन्सार दरबन्दी घटाउन पहल गरिने चेम्बरले जनाएको छ । सूचना प्रविधि उद्योगलाई रोजगारी र सेवा निर्यातको प्रमुख क्षेत्रका रुपमा विकास गर्न पल गरिने चेम्बरद्वारा जारी विज्ञप्तिमा उल्लेख छ ।
चेम्बरले भन्सारमा कारोबार मूल्यलाई मान्यता दिई सन्र्दभ मूल्यलाई खारेज गर्न निरन्तर पहल गर्ने बताएको छ
यस्तो छ चेम्बरको तीन वर्षे रणनीति
