नेपाल इन्भेस्टमेन्ट मेगा बैंकले इन्जिनियरहरुलाई बैंकिङ सेवामा विशेष छुट दिने
काठमाडौं । नेपाल इन्भेस्टमेन्ट मेगा बैंक र नेपाल इन्जिनियर्स एसोसिएसनबिच व्यावसायिक सम्झौता भएको छ ।
नेपाल इन्भेस्टमेन्ट मेगा बैंक र नेपाल इन्जिनियर्स एसोसिएसनबिच विस्तारित बैंकिंग सेवा प्रदान गर्ने उद्देश्य राखी सो सम्झौता भएको हो ।
नेपाल इन्भेस्टमेन्ट मेगा बैंकका तर्फबाट प्रमुख कार्यकारी अधिकृत ज्योति प्रकाश पाण्डे र इन्जिनियर्स एसोसिएसन तर्फ अध्यक्ष ई. सुभाष चन्द्र बरालबाट हस्ताक्षर भई सो व्यावसायिक सेवा आरम्भ गरिएको हो ।
यस सम्झौता मार्फत एसोसिएसनका सम्पूर्ण सदस्यहरूलाई विभिन्न सेवाहरूमा विशेष छुट प्रदान गरिएको छ । सोही सम्झौता अनुसार एसोसिएसनका सदस्यहरूलाई लक्षित गरी बैंकको २७५ वटा शाखाहरू मार्फत प्रोफेसनल बचत खाता खोली दस लाखको दुर्घटना बिमा सुविधा सहित अन्य व्यावसायिक कर्जा, स्टार्टअप कर्जा, क्लिन सोसल कर्जा, र डेबिट÷क्रेडिट कार्ड, मोबाइल बैकिङ्गमा विशेष छुटको व्यवस्था रहेको जानकारी बैंकका प्रमुख कार्यकारी अधिकृतले जानकारी दिए ।
यो सम्झौताबाट नेपाल इन्जिनियर्स एसोसिएसनका सदस्यहरूले प्रत्यक्ष रूपमा लाभान्वित हुने बैंकको विश्वास छ ।
