विद्युत् प्राधिकरणको सञ्चालक समिति सदस्यमा इञ्जिनियर रोहित पौडेल नियुक्त
काठमाडाैं । नेपाल विद्युत् प्राधिकरणको सञ्चालक समितिमा इञ्जिनियर रोहित पौडेल नियुक्त भएका छन्।
ऊर्जा, जलस्रोत तथा सिँचाइ मन्त्री तथा प्राधिकरण सञ्चालक समितिका अध्यक्ष दीपक खड्काले पौडेललाई सञ्चालक समितिको सदस्यमा नियुक्त गरेका हुन्।पौडेललाई उद्योग, वाणिज्य तथा वित्त क्षेत्रको प्रतिनिधित्वका रूपमा नियुक्त गरिएको हो।
खोटाङ हलेसी तुवाचुङ नगरपालिका–९ का स्थायी बासिन्दा रहेका उनी हाल पेसिडेन्सियल ग्र्याजुएट स्कुलमा परियोजना व्यवस्थापन विषयमा प्राध्यापन गर्दै आएका थिए।
काठमाडौँ विश्वविद्यालयबाट वित्त र परियोजना व्यवस्थापनमा स्नातकोत्तर गरेका पौडेलसँग करिब एक दशकको निर्माण तथा जलविद्युत् क्षेत्रमा काम गरेकाे अनुभव छ ।
