काठमाडौं । प्रधानमन्त्री सुशीला कार्कीले राष्ट्रिय सभा निर्वाचनको तयारीबारे अध्यक्ष नारायण दाहालसँग छलफल थालेकी छन् ।

आइतबार सिंहदरबारस्थित प्रधानमन्त्री कार्यालयमा भएको आधा घण्टाको भेटवार्तामा जेनजी पुस्ताको राजनीतिक सहभागिताबारे विशेष चासो व्यक्त गरिएको छ ।

प्रधानमन्त्री कार्की निर्वाचन समयमै सम्पन्न गर्न इच्छुक देखिए पनि वर्तमान कानुनी व्यवस्थाअनुसार जेनजी पुस्ताको सीधा सहभागिता (मतदान अधिकार) नहुँदा उनले त्यसबारे संवादको आवश्यकता औंल्याएकी हुन् ।

अध्यक्ष दाहालले जेनजीको भूमिका थप सशक्त बनाउन राजनीतिक दलहरूसँग संवाद गर्न सकिने सुझाव दिएका छन् ।

राष्ट्रिय सभा निर्वाचन आगामी फागुन २० अघि सम्पन्न गरिनुपर्नेछ । किनभने सो मितिमा १९ सदस्यको कार्यकाल समाप्त हुँदैछ । तीमध्ये १८ जना निर्वाचनमार्फत र एक जना राष्ट्रपतिबाट मनोनयन हुने व्यवस्था छ ।

बिदा हुने सांसदहरूमा एमालेका ८, माओवादी केन्द्रका ७, एकीकृत समाजवादी, जसपा, लोसपाबाट एक–एक जना, साथै राष्ट्रपतिबाट मनोनित एक जना छन् ।