बुढानीलकण्ठ हेरिटेजको साढे ८ लाख बढी कित्ता संस्थापक शेयर बिक्रीमा
काठमाडौं । बुढानीलकण्ठ हेरिटेजको साढे ८ लाख बढी कित्ता संस्थापक शेयर बिक्रीमा राखिएको छ।
कम्पनीको संस्थापक समूहको बिक्रीमा राखिएको ८ लाख ५४ हजार २८१ कित्ता अवितरित हकप्रद शेयर संस्थापक शेयरधनीका साथै सर्वसाधारणले पनि खरिदका लागि आवेदन दिन दिन सक्नेछन्।
यो शेयरमा संस्थापक समूहले न्यूनतम १ हजार कित्ता र बाह्य व्यक्ति तथा संस्थाले २० हजार कित्ता खरिदका लागि आवेदन दिनुपर्नेछ। बिक्रीमा राखिएको शेयरको न्यूनतम मूल्य १५० रुपैयाँ कायम गरिएको छ। यसको अर्थ न्यूनतम १५० रुपैयाँ वा सोभन्दा बढी कबोल गर्नुपर्नेछ।
शेयर खरिदका लागि पुस २८ गतेसम्म आवेदन दिन सकिनेछ। आवेदन बुढानीलकण्ठस्थित कम्पनीको रजिस्टर्ड कार्यालय होटल लेमन ट्री प्रिमियरमा बुझाउनुपर्नेछ।
