पालुङटारमा ग्लोबल मनी वीक २०२६ को अवसरमा वित्तीय साक्षरता र्याली सम्पन्न
ग्लोबल मनी वीक २०२६ को “Smart Money Talks” भन्ने नाराका साथ आज पालुङटारमा वित्तीय साक्षरता र्याली तथा सचेतना कार्यक्रम सफलतापूर्वक सम्पन्न भएको छ। उक्त कार्यक्रम पालुङटार क्षेत्रका सम्पूर्ण बैंक तथा वित्तीय संस्थाहरूको संयुक्त आयोजनामा सञ्चालन गरिएको हो। र्यालीमार्फत वित्तीय सचेतना अभिवृद्धि, डिजिटल वित्तीय सेवाको सुरक्षित प्रयोग, तथा बढ्दो डिजिटल जोखिमप्रति जनचेतना फैलाउने उद्देश्य राखिएको थियो।
कार्यक्रममा सहभागीहरूले वित्तीय अनुशासन, बचतको महत्व, सही लगानी अभ्यास, तथा डिजिटल बैंकिङ प्रयोग गर्दा अपनाउनुपर्ने सुरक्षाका उपायहरूबारे जानकारी दिएका थिए। स्थानीय समुदायको उल्लेखनीय सहभागितासहित सम्पन्न उक्त र्यालीले नागरिकहरूलाई सचेत, जिम्मेवार र सुरक्षित आर्थिक व्यवहारतर्फ प्रेरित गरेको छ।
ग्लोबल मनी वीक विश्वव्यापी अभियान हो, जसले विशेषगरी युवाहरूलाई वित्तीय ज्ञान, सीप र व्यवहारमा सशक्त बनाउने लक्ष्य राख्छ। आजको डिजिटल युगमा वित्तीय साक्षरता अत्यन्त आवश्यक भइसकेको सन्दर्भमा यस्ता कार्यक्रमहरूले व्यक्तिलाई ठगी, दुरुपयोग र आर्थिक जोखिमबाट जोगिन मद्दत पुर्याउँछन्।
यस प्रकारका संयुक्त पहलहरूले समुदायस्तरमा वित्तीय समझदारी विकास गर्न, डिजिटल माध्यमप्रति विश्वास बढाउन र दीर्घकालीन आर्थिक सुदृढीकरणको आधार तयार गर्न महत्वपूर्ण भूमिका खेल्ने अपेक्षा गरिएको छ।
