भिभोको ‘समर सरप्राइज’ अभियान सार्वजनिक, स्मार्टफोन खरिदमा मेगा लक्की ड्रको अवसर
काठमाडौं। विश्वकपको माहोलसँगै नेपालका अग्रणी स्मार्टफोन ब्रान्ड भिभोले ‘भिभो समर सरप्राइज’ अभियान सार्वजनिक गरेको छ। जुन ८ देखि जुलाई ७, २०२६ सम्म सञ्चालन हुने यस अभियानमार्फत ग्राहकहरूले आकर्षक उपहारका साथै मेगा लक्की ड्रमार्फत प्रिमियम पुरस्कार जित्ने अवसर पाउनेछन्।
अभियान अवधिभर नेपालभरका आधिकारिक भिभो रिटेल आउटलेटबाट योग्य भिभो स्मार्टफोन खरिद गर्ने ग्राहकहरूले तत्काल विभिन्न उपहार प्राप्त गर्नुका साथै स्वतः लक्की ड्रमा सहभागी हुने अवसर पाउने कम्पनीले जनाएको छ।
कम्पनीका अनुसार मेगा लक्की ड्रका विजेताहरूले भिभो वाई ३१ डी, नयाँ भिभो भी ७० एफई र ५५ इन्चको स्मार्ट टिभी जित्न सक्नेछन्। यी पुरस्कारहरूले आगामी फिफा विश्वकपको रोमाञ्चक अनुभवलाई अझ विशेष बनाउने अपेक्षा गरिएको छ।
भिभो नेपालका ब्रान्ड म्यानेजर दीपेश खनालले ग्राहकलाई थप मूल्य र स्मरणीय अनुभव प्रदान गर्ने उद्देश्यले अभियान सञ्चालन गरिएको बताए। “भिभोमा हामी निरन्तर रूपमा ग्राहकका लागि अर्थपूर्ण अनुभव सिर्जना गर्न प्रतिबद्ध छौं। ‘भिभो समर सरप्राइज’ अभियानमार्फत ग्राहकहरूलाई आकर्षक उपहार तथा प्रिमियम पुरस्कार जित्ने अवसर प्रदान गर्दै स्मार्टफोन प्रयोगको अनुभवलाई अझ रोमाञ्चक बनाउने हाम्रो लक्ष्य हो,” उनले भने।
भिभोले नवप्रवर्तन, आकर्षक डिजाइन, उन्नत क्यामेरा प्रविधि तथा भरपर्दो स्मार्टफोन अनुभवमार्फत नेपाली उपभोक्तामाझ विश्वास कायम गर्दै आएको छ। कम्पनीका अनुसार ‘समर सरप्राइज’ अभियानले देशभरका ग्राहकलाई थप उत्साह र मूल्य प्रदान गर्ने ब्रान्डको प्रतिबद्धतालाई थप मजबुत बनाउनेछ।
कम्पनीले ग्राहकहरूलाई जुन ८ देखि जुलाई ७ सम्म नजिकको आधिकारिक भिभो रिटेल आउटलेटमा गई अभियानमा सहभागी हुन र आकर्षक पुरस्कार जित्ने अवसर लिन आग्रह गरेको छ।
