एक वर्षभित्र कमोडिटी एक्सचेञ्ज सञ्चालनमा आउने अर्थसचिवको दाबी
काठमाडौं । अर्थ सचिव शिशिरकुमार ढुंगानाले अबको करीब एक वर्षभित्रै नेपालमा कमोडिटी एक्सचेञ्जको कारोबारसुरु हुने बताएका छन् । उनले उद्योग संगठन मोरङमा आबद्ध व्यवसायिहरुलाई सम्बोधन गर्दै यस्तो बताएका हुन् । कमोडिटी एक्सचेञ्ज सञ्चालनका लागि धेरैजसो पुर्वाधार तयार भइसकेको र अब लाइसेन्सको प्रक्रियामा पुगेको उनले बताए ।
ढुंगानाले यही आर्थिक वर्षको अन्त्यसम्म कमोडिटी एक्सचेञ्जसम्बन्धी धेरैजसो नीतिगत अस्पस्टता अन्त्य गरिसक्ने दाबी गरेका छन् । ‘त्यसका लागि धितोपत्र बोर्डसँग समन्वय गरेर चाँडै नै बाँकी प्रक्रिया टुंग्याउँछौं,’ उनले भने ।
