तलब, मन्त्री क्वार्टर, गाडी लगायतका कुनै सुविधा नलिने खनालको घोषणा

काठमाडौं । प्रधानमन्त्री सुशीला कार्कीको अन्तरिम सरकारमा अर्थमन्त्रीको जिम्मेवारी सम्हाल्न लागेका रामेश्वर खनालले कुनै पनि सरकारी सुविधाहरू नलिने निर्णय गरेका छन्।

उनले तलब, मन्त्री क्वार्टर, गाडी र पिएसओको सुविधासम्म नलिने स्पष्ट पारेका छन्।

पूर्वअर्थसचिव रामेश्वर खनालले यसअघि पनि बाबुराम भट्टराईको आर्थिक सल्लाहकारका रूपमा बिना कुनै सुविधासमेत जिम्मेवारी निभाएका थिए ।

उनले केपी ओली सरकारलाई ४४७ पृष्ठ लामो प्रतिवेदन बुझाउँदै नेपालको आर्थिक सुधारका लागि ठोस सुझावहरू दिएका छन् ।