काठमाडौं । प्रतिनिधिसभा विघटनविरुद्ध सर्वोच्च अदालतमा रिट दर्ता प्रक्रिया सुरु भएको छ । रिट दर्ताका लागि आज विभिन्न व्यक्तिहरू अदालत पुगेका छन् ।

सर्वोच्च अदालतका अनुसार हालसम्म तीन वटा रिट निवेदन पेश भएका छन् । ती निवेदनहरूमाथि अध्ययन भइरहेको छ भने अझै औपचारिक रूपमा दर्ता भएको छैन ।

प्रतिनिधिसभा विघटन र सरकार गठनको प्रक्रिया असंवैधानिक भएको दाबी गर्दै त्यसलाई बदर गर्न माग गरिएको छ ।

सर्वोच्च अदालतमा अब पेश भएका रिटहरूको दर्ता प्रक्रिया पूरा भएपछि संवैधानिक व्याख्या र सुनुवाइमार्फत अन्तिम निर्णय हुनेछ ।