५ अंकले घट्याे नेप्से, कारोबार रकम भने बढ्यो
काठमाडौं । तिहार बिदापछि दुई दिन लगातार बढेको सेयर बजारमा बुधबार गिरावट आएको छ ।
आज नेपाल स्टक एक्सचेञ्ज नेप्से परिसूचक ५.१७ अंकले घटेर २५ सय ६६ दशमलव १६ बिन्दुमा रोकिएको हाे ।
नेप्से परिसूचक घटे पनि आज काराेबार रकम भने बढेकाे छ । यस दिन ३२१ कम्पनीकाे १ कराेड १५ लाख १ हजार २ सय ८४ कित्ता सेयर ५ अर्ब ४५ कराेड ९७ लाख ६७ हजार रूपैयाँमा काराेबार भएकाे छ ।
हिजाे ३ सय १४ वटा कम्पनीका ९२ लाख ४३ हजार कित्ता शेयर ४ अर्ब ५७ करोड रुपैयाँमा किनबेच भएको थियाे ।
आज हाेटल, हाइड्राेपावर, माइक्राेफाइनान्स र व्यापार समुह बढेकाेमा बाँकी सबै समुह घटेका छन् । घटेकाे बजारमा हाेटल तथा पर्यटन समुह २.१५ र व्यापार समुहकाे सेयर २ प्रतिशतले बढेकाे छ ।
यस्तै आज अन्य समुहकाे सेयर सर्वाधिक १.२० प्रतिशतले घटेकाे छ ।
